| e-texts navigator |
| Wylie |
212a1 ཀྱིས་ཐུལ་འོག་ཏུ་ཆུད་པ་དང་། བུད་མེད་རྣམས་ཀྱིས་བསྐོལ་བ་དང་། བུད་མེད་རྣམས་ལ་བྱམས་པ་དེ་ཉིད་ཀྱིས་བུད་མེད་དེ་དག་ཉིད་གསོ་བའི་ཕྱིར་སྦྱིན་པ་སྦྱིན་པ་དང་། ཚུལ་ཁྲིམས་ཡང་དག་པར་ལེན་པར་མི་ནུས་ཤིང་དེ་དེ་ལ་ཆགས་ལ་བུད་མེད་རྣམས་ཀྱིས་སྤྱོས
212a2 པ་བཟོད་པར་བྱེད་ཅིང་བུད་མེད་ཀྱིས་བསྡིགས་པ་དང་། བལྟས་པ་དང་། བརྒྱབ་པ་དག་ཀྱང་བཟོད་པར་བྱེད་དེ། དེ་སྐྱེས་པར་གྱུར་ཀྱང་བུད་མེད་ཀྱིས་བསྡིགས་པ་དང་དུ་ལེན་ཅིང་། མི་དགའ་བ་མེད་པར་དེའི་ངོར་ལྟ་བར་བྱེད་པ་ནི་འདོད་པའི་གཞིས་བུད་མེད་ཀྱི་དབང་དུ་སོང་བ་ཡིན་ཏེ།
212a3 རྒྱལ་པོ་ཆེན་པོ་བུད་མེད་ལ་སྟེན་ཅིང་ངན་འགྲོར་འགྲོ་བར་འཇུག་པ་དེ་ནི་སྐྱེས་པ་བུད་མེད་ལ་བརྐམ་ཞིང་ངན་སྐྱུགས་ཀྱི་སྒོ་ལ་གདུ་བ་དང་། མི་གཙང་བ་ལ་དགའ་བ་དང་། ཤེས་བཞིན་མེད་པར་སྤྱོད་པའི་སྐྱེས་བུའི་སྐྱོན་བཞི་པ་ཡིན་ཏེ། རྒྱལ་པོ་ཆེན་པོ་སྐྱོན་དེ་དག་དང་ལྡན་པའི་སྐྱེས་པ
212a4 ནི་འདོད་པ་རྣམས་ཀྱི་དབང་དུ་འགྲོ་བ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །འདོད་པ་རྣམས་ནི་ཚོལ་བ་དང་། །རབ་ཏུ་མྱོས་པ་ག་ལ་བདེ། །འདོད་པ་དམན་པ་རྣམས་སྟེན་པ། །དེ་ནི་གང་གིས་བདེ་བར་འགྱུར། །སྐྱེས
212a5 བུ་དམ་པ་མ་ཡིན་པའི། །ལས་རྣམས་བྱེད་ཅིང་མི་སྡོམ་ལ། །འདོད་པའི་འདོད་ཆགས་ཚོལ་བྱེད་པ། །དེ་དག་རབ་ཉམས་ཆུད་ཀྱང་ཟ། །མི་རྣམས་གང་དག་མི་མཁས་པ། །རྔ་མོ་བོང་བུའི་ཆོས་སྤྱོད་ཅིང་། །བུད་མེད་མཐོང་ན་རབ་སྙེགས་པ། །ངན་སྐྱུགས་གནས་ལ་ཕག
212a6 རྣམས་བཞིན། །གང་ལ་བྱིས་པ་གུས་བཅས་པའི། །འདོད་རྣམས་དྲི་ང་མི་གཙང་ཡང་། །འདོད་པའི་སྐྱོན་རྣམས་མི་མཐོང་བ། །ས་ཡི་སྟེང་ན་དམུས་ལོང་བཞིན། །གཟུགས་ཀྱི་འཆིང་བས་བཅིངས་པ་རྣམས། །འདོད་པའི་འདུ་ཤེས་རབ་ཏུ་འཇུག་།བྱིས་པ་འདོད་རྣམས
212a7 སྟེན་པ་དག་། ཁྱི་དང་ཝ་རྣམས་ཇི་བཞིན་ནོ། །སྒྲ་དྲི་རོ་དང་རེག་རྣམས་ཀྱིས། །གང་ལ་སོ་སོའི་སྐྱེ་བོ་རྣམས། །བྱིས་པ་འཁོར་བ་ཡོངས་འཁོར་བ། །སྤྲེའུ་རྣམས་ཕུར་ལ་བཏགས་པ་བཞིན། །བྱིས་པ་མ་རིག་ཁེབས་པ་རྣམས། །མུན་པའི་ཕུང་པོས་བསྒྲིབས་གྱུར་ཅིང་།
iiif viewer powered by OpenSeadragon
