| e-texts navigator |
| Wylie |
208a1 རབ་དང་ལྡན་པའི་དགེ་སྦྱོང་དང་བྲམ་ཟེ་དག་ལ་ལྟ་བར་མི་འདོད་ཅིང་། དེས་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། ཤེས་རབ་དང་ལྡན་པའི་དགེ་སྦྱོང་དང་བྲམ་ཟེ་དག་མཐོང་ན་སྙེན་པར་མི་བྱེད། སྟེན་པར་མི་བྱེད། བསྙེན་བཀུར་མི་བྱེད་པས
208a2 དེ་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། ཤེས་རབ་དང་ལྡན་པའི་དགེ་སྦྱོང་དང་བྲམ་ཟེ་དག་གིས་ཡོངས་སུ་སྤངས་པས་དད་པ་ལས་ཡོངས་སུ་ཉམས། ཚུལ་ཁྲིམས་ལས་ཡོངས་སུ་ཉམས། གཏོང་བ་ལས་ཡོངས་སུ་ཉམས། ཤེས་རབ་ལས་ཡོངས་སུ་ཉམས
208a3 ཤིང་དད་པ་དང་བྲལ་བ། ཚུལ་ཁྲིམས་འཆལ་བ། ཐོས་པ་ཉུང་བ། སེར་སྣ་ཅན་དུ་གྱུར་པ། ཀྱི་ཡོན་ཏན་གྱི་ཆོས་ལ་ཀུན་ཏུ་སྤྱོད་པ། ཤེས་རབ་འཆལ་བ། རྨ་ལ་ཆགས་པ། བཙོག་པའི་སྤྱོད་ཡུལ་ཅན། བཤུལ་བར་མནམ་པ་ལ་མངོན་པར་དགའ
208a4 བ། མི་གཙང་བ་ལ་དགའ་བ། བུད་མེད་ལ་དད་ཆེ་བ། ཞི་བ་ཡོངས་སུ་མི་ཚོལ་བ་ཆགས་པའི་སྤྱོད་ཡུལ་ཅན། འགྲོ་བར་བྱ་བ་མ་ཡིན་པར་སོང་བ། སྨད་པར་འོས་པ། མི་གཙང་བའི་སྲིན་བུ་དང་འདྲ་བ། སྙིགས་མ་ལེན་པ། འདོད་པ་ལ་བརྐམ་པ། ཁྲེལ
208a5 དང་ངོ་ཚ་བོར་བ། ལྷ་དང་མིའི་ཆོས་ལས་ཉམས་པ། ངན་པར་སྨད་པའི་འཚོ་བས་འཚོ་བ། མཁས་པས་སྨད་པ། བྱིས་པའི་སྐྱེ་བོ་ལ་སྟེན་པ། སྡིག་པའི་བསམ་པ་དང་ལྡན་པ། སྡིག་པའི་གྲོགས་པོ་ལ་སྟེན་པ། སྡིག་པ་ལ་ཀུན་ཏུ་འཇུག་པ། སྡིག་པ་ལ་གཞོལ
208a6 བ། བུད་མེད་ཀྱི་ཐུལ་འོག་ཏུ་ཆུད་པ། བུད་མེད་ཀྱིས་འཁོལ་བ། བུད་མེད་ཀྱི་དབང་དུ་སོང་བ། བུད་མེད་ལ་གཞོལ་བ། བུད་མེད་དང་གནས་པ། རྨའི་སྒོའི་སྤྱོད་ཡུལ་ཅན། རྨའི་སྒོ་ལ་རྟེན་པ། རྨའི་སྒོ་ལ་གནས་པ། ཁ་ཆུ་དང་། སྣབས་དང་། མཆིལ་མ
208a7 དང་། ངར་སྣབས་དང་། རྣག་དང་། ཤེའུ་རུལ་དང་། གླད་རྒྱས་དང་། མི་གཙང་བའི་སྤྱོད་ཡུལ་ཅན། ལུག་དང་། བ་ལང་དང་། བྱ་གག་དང་། ཁྱི་དང་། ཕག་པ་དང་། ཝ་དང་། བོང་བུའི་ཆོས་སྤྱོད་པ། གནོད་པས་འཚོ་བ། ཕ་མ་ལ་ཕངས་པར་མི
iiif viewer powered by OpenSeadragon
