| e-texts navigator |
| Wylie |
205b1 ལ་ཚིགས་སུ་བཅད་དེ་སྨྲས་པ། །བདག་ནི་ལྷ་མིན་དྲི་ཟ་མིན། །ཤ་ཟ་མོ་མིན་སྲིན་མོ་མིན། །བདག་ནི་བཙུན་མོ་སྔོ་སངས་ཅན། །འཇིག་རྟེན་མགོན་པོའི་ཉན་ཐོས་མ། །ལྷ་ཁྱོད་ལ་ནི་སྙིང་བརྩེ་བས། །བདག་གི་སེམས་ནི་མཉམ་བཞག་གིས། །ཁྱབ་བདག་འཇིག་རྟེན
205b2 མགོན་པོ་ལ། །ཐུགས་ནི་རབ་ཏུ་དང་བར་མཛོད། །བསྐལ་པ་བྱེ་བ་སྟོང་རྣམས་སུ། །གང་གིས་བྱམས་པ་ལེགས་བསྒོམས་ཏེ། །བྱམས་ལ་གནས་པའི་སྐྱེས་བུ་དང་། །བུད་མེད་དག་ནི་མི་སོད་གསུངས། །གང་ཞིག་ལོ་ཏོག་སྨིན་པ་ལ། །སེར་ལྟར་ཡང་དག་ཇི་བཞིན
205b3 མཁྱེན། །བུད་མེད་རྣམས་ཀྱིས་གནོད་མེད་པ། །དེ་ཡི་བསྟན་ལ་བདག་དགའ་ལགས། །འཇིག་རྟེན་མགོན་པོ་ཐམས་ཅད་ཀྱིས། །བུད་མེད་རྣམས་ནི་སྨད་པར་གསུངས། །བུད་མེད་རྣམས་ལ་མི་ལྟ་བ། །འཇིག་རྟེན་མགོན་པོ་རྣམས་ཀྱིས་བསྔགས། །སངས་རྒྱས
205b4 རྣམས་དང་རང་སངས་རྒྱས། །བྱང་ཆུབ་སེམས་དཔའ་ཉན་ཐོས་རྣམས། །བུད་མེད་བསྟེན་པར་མི་མཛད་དེ། །དེ་ནི་བྱིས་པའི་སྤྱོད་ཡུལ་ལགས། །བུད་མེད་རྣམས་ལ་བསྟེན་པ་ནི། །ཀུན་ནས་བདུད་ཀྱི་ཞགས་པར་གསུངས། །སྡིག་པ་རྣམས་ལ་ཆགས་པ་ནི། །ཀུན
205b5 འཇོམས་དཀྲུགས་པའི་ཤུལ་དང་འདྲ། །མི་མཁས་བུད་མེད་ཆགས་པ་དང་། །སྡིག་པའི་ལས་ནི་བགྱིས་པ་དང་། །ཡེ་ཤེས་སྤོང་བར་འཚལ་བ་ཡིས། །སེམས་ཅན་རྣམས་ནི་ངན་འགྲོར་ཁྲིད། །མཁས་པ་ཐར་བར་འཚལ་བ་ཡིས། །བུད་མེད་བསྟེན་པར་མི་བགྱི་སྟེ། །
205b6 ཞུགས་གཏམས་ངུ་བ་མ་མཆིས་པའི། །དོང་དུ་མཆོངས་པ་མི་དངོ་ལགས། །ཡིད་འོང་བཀའ་མཆིད་བགྱིས་པ་དང་། །བལྟས་པས་ཀྱང་ནི་འཆིང་བགྱིད་ཅིང་། །མི་བཟད་དམྱལ་བར་ལྟུང་བས་ན། །ཁྱོད་ནི་བུད་མེད་ཚིག་མ་གསན། །བདག་ནི་ཁྲོ་བ་མ་མཆིས་ཏེ། །
205b7 བདག་གི་ཡིད་ནི་རབ་ཏུ་དང་། །ཁྱབ་བདག་འཇིག་རྟེན་མགོན་པོ་ལ། །ཐུགས་ནི་རབ་ཏུ་དང་བར་མཛོད། །རྒྱལ་པོ་ཆེན་པོ་བཞུད་མཛོད་དེ། །ཁྱོད་ཀྱིས་རྐང་གཉིས་མཆོག་གཟིགས་ལ། །དེ་ཡིས་ཆོས་ནི་གང་བསྟན་པ། །གཡེལ་མ་མཆིས་པར་ཁྱོད་ཀྱིས་གསོན། །དེ་ནས
iiif viewer powered by OpenSeadragon
