| e-texts navigator |
| Wylie |
202a1 ཆེད་དུ་མཁས་པ་སྡིག་མི་བྱེད། །ལས་དེ་ཡོངས་སུ་ཟད་པ་མ་གཏོགས་པར། །རབ་ཏུ་མི་བཟད་འཇིགས་ལས་མི་མི་འགྲོལ། །དེ་ཕྱིར་སྡིག་པས་འཇིགས་པའི་མི་རྣམས་ཀྱིས། །བསྒྲིམས་ཏེ་སྡིག་པ་ཡོངས་སུ་སྤང་བར་བྱ། །ཇི་ལྟར་ལས་རྣམས་བྱས་པ
202a2 མ་གཏོགས་པར། །གཤིན་རྗེ་དང་ནི་གཤིན་རྗེའི་རང་རྟ་དང་། །མཛའ་བཤེས་དག་དང་རྩ་ལག་ཚོགས་དང་སྤུན། །ཕ་མ་བུ་དང་ཆུང་མ་སྲུང་མི་བྱེད། །ཁྱོད་ཀྱིས་མི་ཡི་ལུས་ནི་ཐོབ་གྱུར་ལ། །ཐོབ་ནས་སྡིག་པ་སྤང་བ་མ་བྱས་པས། །ཀྱེ་མ་ད་ལྟར་སྡུག་བསྔལ་མི་བཟད
202a3 མྱོང་། །འདི་ནི་མི་དགེའི་ལས་ཀྱི་རྣམ་སྨིན་ཡིན། །ལས་ཀྱི་རྣམ་པར་སྨིན་ལ་ཡིད་མ་ཆེས། །ཁྱོད་ནི་རང་གི་སེམས་ཀྱིས་མི་དགེ་བྱས། །འདི་ལ་ངས་ནི་ཅི་ཡང་མ་ལན་ཞེས། །དེ་ལ་ཆོས་རྒྱལ་གཤིན་རྗེ་དེ་སྐད་སྨྲ། །རང་གིས་ལས་བྱས་རང་ལ་རྣམ་པར་སྨིན། །རང་གི་ལས
202a4 ཀྱིས་ཁྱོད་ནི་འདིར་འོངས་ཀྱིས། །ཇི་ལྟར་སྔོན་ཆད་མི་འདོད་ལས་བྱས་པ། །སྡུག་བསྔལ་དེ་ནི་ཉིད་ཀྱིས་མྱོང་བར་གྱིས། །དེ་ཚེ་ཕ་མ་རང་གི་ཆུང་མ་རྣམས། །སྡུག་བསྔལ་ཉེན་པ་ཡོངས་སུ་ཐར་མི་བྱེད། །ལེགས་པའི་ལས་བྱས་པས་ནི་གྲོལ་བར་འགྱུར། །དེ་ལྟར་ཁྱིམ་ནི
202a5 ཡོངས་སུ་སྤང་བར་བྱ། །ཁུ་སྒོ་དབྱུག་པ་ལྟུང་གི་ཆད་པ་རྣམས། །སུ་ཞིག་སྤོང་འདོད་ཞི་བ་དོན་གཉེར་བས། །ཁྱིམ་ལ་འཇིགས་པར་གྱིས་ཏེ་སྤང་བྱོས་ལ། །འཇིག་རྟེན་མཁས་པའི་བསྟན་ལ་ཆོས་སྤྱོད་ཅིག་།ཁྱིམ་ནི་རབ་འབར་སྡུག་བསྔལ་མང་པོའི་རྩ། །སེམས་ལས་བྱུང
202a6 བ་རྣམས་ཀྱིས་རྟག་ཏུ་འབར། །མེ་མུར་འོབས་འདྲ་འཇིགས་པར་བྱེད་པ་ལ། །མཁས་པ་སུ་ཞིག་དེ་ལ་སྲེད་པ་སྐྱེད། །ཁྱིམ་གནས་བུ་དང་ཆུང་མའི་མྱ་ངན་བྱེད། །ཁྱིམ་གནས་དེ་བཞིན་ལོངས་སྤྱོད་མྱ་ངན་བྱེད། །ཉེས་པ་འདི་དང་གཞན་ཡང་དཔག་མེད་དེ། །དེ་ལྟས་ཁྱིམ་ནི
202a7 ཡོངས་སུ་སྤང་བར་བྱ། །འདྲེན་པ་རྣམས་ཀྱི་བསྟན་ལ་དགའ་བྱེད་པ། །མ་བཏབ་མ་རྨོས་བདེ་དང་ཡིད་བདེའི་རྒྱུ། །སྡུག་བསྔལ་མང་པོའི་རྩ་བ་ཁྱིམ་འདི་ལ། །བླུན་པོ་དགའ་ཡི་མཁས་པ་གཞར་མི་དགའ། །པགས་པ་ཆུ་རྒྱུས་ཤ་དང་རུས་པའི་ལུས། །འདི་ནི་ང་ཡི་ཆུང་མ
iiif viewer powered by OpenSeadragon
