| e-texts navigator |
| Wylie |
201b1 བཞིན་གཤེགས་པ་དེ་ནི་འབྱུང་བའི་ཚེ། །ས་འདི་གསེར་གྱིས་རབ་ཏུ་གང་བར་འགྱུར། །དེ་ཡི་ཚེ་ན་དེ་ནི་ག་ལས་འབྱུང་། །འདོད་པའི་ཡོན་ཏན་ལྔ་དག་འབྱུང་བ་སྟེ། །པའི་ཆོས་ཅན་འཁྲུལ་བྱེད་རྨོངས་པར་བྱེད། །དཔེར་ན་སོས་ཀའི་ཉི་མ་གུང་དུས་ན། །སྨིག་རྒྱུར
201b2 ཆུར་སྣང་འདོད་པ་དེ་བཞིན་ནོ། །བསྐལ་པ་གཅིག་ལོན་ནས་ནི་འཇིག་རྟེན་འདི། །ནམ་མཁའི་རང་བཞིན་ནམ་མཁར་འགྱུར་བར་འོང་། །ལྷུན་པོ་དག་ཀྱང་འཚིག་ཅིང་རྣམ་པར་འཇིག་།དེ་དག་གང་ནས་འོངས་ཤིང་གང་དུ་འགྲོ། །ཆུ་མིག་མཚེའུ་དང་རྫིང་དང་རྒྱ་མཚོ་རྣམས། །དེ
201b3 དག་མེད་འགྱུར་སྐམས་འགྱུར་འབྱུང་བར་འགྱུར། །དེ་བཞིན་འདོད་པ་གསོག་སྟེ་སྙིང་པོ་མེད། །མཁས་པ་སུ་ཞིག་དེ་ལ་དགའ་བར་བྱེད། །མཁས་པ་གང་དག་བློ་ཡི་སྟོབས་ལྡན་པ། །དེ་དག་རྟག་ཏུ་ཁྱིམ་གྱི་སྐྱོན་ལ་རྟོག་།འདི་ལ་རོ་མྱོང་བྱེད་པ་སུ་ཡོད་ན། །འདི་དག་ཅི
201b4 ཕྱིར་ཁྱིམ་ནི་སྤོང་མི་བྱེད། །འདྲེན་མའི་ལས་ཀྱིས་ལོངས་སྤྱོད་ཚོལ་བྱེད་ཅིང་། །བུ་དང་དེ་བཞིན་ཆུང་མ་གསོ་བར་བྱེད། །ཤིན་ཏུ་སྡུག་བསྔལ་གྱུར་པ་དེ་དུས་ན། །བུ་དང་ཆུང་མ་སྐྱབས་སུ་འགྱུར་མ་ཡིན། །ཇི་ལྟར་སྣ་ཚོགས་ལས་བྱས་བླངས་པ་བཞིན། །བུ་དང་ཆུང་མ
201b5 དག་ཀྱང་འདོར་བར་འགྱུར། །བདག་ཉིད་གཅིག་པུས་སྡུག་བསྔལ་མྱོང་བར་འོང་། །དེ་དག་དེ་ཚེ་བདག་གི་སྐལ་མི་ལེན། །མྱ་ངན་རྣམས་ཀྱིས་བདེ་ཕྱིར་དེ་དག་བླངས། །འདི་ན་དེ་དག་སྡུག་བསྔལ་མྱ་ངན་འགྱུར། །སྲིད་གསུམ་འཇིགས་པ་འདི་ན་བཤེས་ཀྱང་མེད། །དེ
201b6 བཞིན་བུ་དང་ཆུང་མ་རྩ་ལག་མེད། །ཕ་མ་སྤུན་དང་བུ་དང་ཆུང་མ་དང་། །བྲན་དང་ནོར་དང་རྩ་ལག་ཚོགས་ཀྱི་རྣམས། །ཤི་བའི་གཤིན་ཕྱིར་དེ་དག་འགྲོ་བ་མེད། །ལས་རྣམས་རྗེས་སུ་འབྲང་ཞིང་བྱིས་པ་འགྲོ། །ལས་ནི་རྗེས་སུ་འབྲང་ཞིང་མི་ཀུན་འདོང་། །ལས་ཀྱིས
201b7 གནས་པ་འཇིག་རྟེན་རྣམ་པར་རྒྱུ། །སྐྱེ་འདི་ལས་ཀྱི་བདག་ཉིད་རིག་གྱུར་ནས། །མཁས་པ་དག་ནི་དགེ་བའི་ལས་རྣམས་བྱེད། །མནར་མེད་སོང་ཚེ་དེ་དག་སྐྱབས་མིན་པས། །ཕ་མ་སྤུན་དང་སྙིང་སྡུག་བུ་རྣམས་དང་། །རྩ་ལག་ཉེ་དུ་སྣག་གི་གཉེན་མཚམས་དང་། །དེ་དག
iiif viewer powered by OpenSeadragon
