| e-texts navigator |
| Wylie |
192b1 པའི་མཚན་ཉིད་ལ་ཡང་ལེགས་པར་བསླབས། །འཇིགས་པ་མེད་ཅིང་བློ་དང་རྟོགས་དང་དྲན་དང་ལྡན། །སྤོབས་པ་དང་ནི་གཟུངས་རྣམས་དང་ཡང་ལྡན་པ་སྟེ། །བདུད་ཀྱི་ལྕགས་ཀྱུ་ཉོན་མོངས་རྫབ་ལས་ངེས་བྱུང་ཞིང་། །སངས་རྒྱས་སྤྱོད་ཡུལ་དོན་ཆེན་ལ་ནི་རབ་ཏུ་གནས། །འཇིག་རྟེན་ཆོས་རྣམས་མང
192b2 པོ་དག་གིས་མ་གོས་ལ། །ཆགས་པ་ལ་སོགས་རྣམས་ཀྱིས་བྲག་ལྟར་ཡོང་མི་གཡོས། །སུ་ཡི་དྲུང་དུ་མི་འགྲོ་རིང་བར་བྱེད་པ་འང་མིན། །ནམ་མཁའ་ལྟ་བུར་བཅིངས་དང་གྲོལ་བ་མེད་པ་ཡིན། །སྙིང་རྗེར་གནས་ཤིང་སེམས་ཀྱང་ཡོངས་སུ་སྐྱོ་བ་མེད། །ཤིན་ཏུ་བསྡམས་ཤིང་ནེམ་ནུར་ཅན
192b3 ལ་བྱམས་སེམས་ལྡན། །སེམས་ཅན་ཀུན་ལ་བདག་དང་འདྲ་བར་སྡུག་པར་ལྟ། །སྐྱོན་ལ་མི་ལྟ་འཁྲུག་པ་དག་དང་ལྡན་མ་ཡིན། །ཇི་ལྟར་བསྟན་པ་བཞིན་དུ་སྒྲུབ་པ་རྣམས་ལ་གནས། །འདི་ནི་ཇི་སྐད་སྨྲས་པ་བཞིན་དུ་སྤྱོད་པར་བྱེད། །ཆོས་ཉིད་ལ་ནི་ཆོས་ཀྱི་ཚུལ་གྱིས་ལེགས་པར་བསླབས། །
192b4 སྟོང་པ་ཉིད་ལ་མོས་ཤིང་གཉིས་ལས་རྣམ་པར་གྲོལ། །བཟོད་པ་གསུམ་ཐོབ་སྐྱེ་བོའི་སྤྱོད་ཡུལ་མ་ཡིན་ཏེ། །སངས་རྒྱས་ཚུལ་དང་ཡོན་ཏན་དག་ལ་རབ་ཏུ་གནས། །འདི་ནི་འཇིག་རྟེན་གང་དུ་རྒྱུ་བ་བྱེད་པ་ན། །དེར་ནི་སྐྱེ་བོ་མང་པོ་རྣམ་པར་གྲོལ་བར་བྱེད། །སངས་རྒྱས་ཀྱི་ནི་སྲས་འདི་གང་དུ
192b5 གནས་པ་དེར། །དེ་བཞིན་གཤེགས་པས་ཡུལ་ནི་སྟོངས་པ་མ་ཡིན་ཏེ། །དེ་ལ་ལྷ་དང་བཅས་པའི་འཇིག་རྟེན་མ་ལུས་པས། །ཇི་ལྟར་སངས་རྒྱས་བཞིན་དུ་འདི་ལ་གུས་པར་གྱིས། །ང་ནི་མྱ་ངན་འདས་ནས་ཉམས་པའི་དུས་བབ་ཚེ། །དེས་པ་འདི་ནི་སངས་རྒྱས་སྤྱད་པ་སྤྱོད་ནས་ཀྱང་། །སྔོན་ཆད
192b6 གནས་པ་མངོན་པར་དགའ་བའི་འཇིག་རྟེན་ཁམས། །མི་འཁྲུགས་འཇིག་རྟེན་ཉིད་དུ་ཕྱིར་ཡང་འགྲོ་བར་འགྱུར། །བརྟན་པོ་སྲོག་ཆགས་རྣམས་ལ་ཕན་པར་བྱ་བ་དང་། །ཞིང་གི་འབྱོར་པ་དག་ནི་ཡོངས་སུ་བཙལ་བ་དང་། །བྱང་ཆུབ་ཏུ་ནི་སེམས་ཅན་ཡོངས་སུ་སྨིན་བྱའི་ཕྱིར། །བསྐལ་པ
192b7 གྲངས་མེད་གསུམ་དུ་སྤྱད་པ་སྤྱོད་པར་བྱེད། །དེ་ཡི་འོག་ཏུ་དེ་ནི་སྐྱོབ་པ་རྒྱལ་བར་འགྱུར། །མིང་ནི་འཇིག་རྟེན་རྒྱལ་པོ་དབང་ཕྱུག་ཅེས་ཀྱང་བྱ། །དེ་བཞིན་གཤེགས་པ་མི་འཁྲུགས་པ་ཞེས་བྱ་བ་ཡི། །ཞིང་དང་དེ་ཡི་འཇིག་རྟེན་དུ་ནི་མཚུངས་པ་ཡིན། །འཇིག་རྟེན་ཁམས་དེ་ལེགས་པར་སྤྲུལ་པ
iiif viewer powered by OpenSeadragon
