| e-texts navigator |
| Wylie |
186b1 བུའམ། ཕོ་ཉ་གཞན་གཏང་འོས་མ་ལགས། །འདིར་ནི་བདག་གིས་བསམ་བགྱིས་ན། །དེ་མཁྱེན་ནས་ནི་གཤེགས་པར་འགྱུར། །འཇིག་རྟེན་འདི་འམ་ཕ་རོལ་ལ། །དེ་ནི་མི་མཁྱེན་ཅང་མི་མངའ། །ཐུགས་ཀྱིས་བསམ་པ་མཁྱེན་ནས་ཀྱང་། །འདྲེན་པ་དེ་ནི་གཤེགས་པར་འགྱུར། །
186b2 སེམས་ཅན་རྣམས་ལ་ཐུགས་བརྩེ་བས། །དེ་ལ་ང་རྒྱལ་སྐྱོན་མི་མངའ། །སེམས་ཅན་རྣམས་ལ་ལེགས་དགོངས་པས། །ཤིན་ཏུ་རིང་དུའང་གཤེགས་འགྱུར་གྱིས། །རྒྱལ་ཆེན་བདག་གིས་གསོལ་བ་ལ། །ད་ནི་ལེགས་པར་ཐུགས་ཆེས་མཛོད། །གང་གིས་སྟོན་པ་འདིར་གཤེགས
186b3 པའི། །བདེན་པའི་བྱིན་རླབས་བགྱི་བར་འཚལ། །མེ་ཏོག་སྤོས་དང་མེ་ཏོག་ཕྲེང་། །རྒྱལ་མཚན་གདུགས་དང་བྱུག་པ་དང་། །སིལ་སྙན་སྟ་གོན་མཛོད་ཅིག་དང་། །འདྲེན་པ་དེ་ནི་གཤེགས་པར་འགྱུར། །དེས་པས་ཐལ་མོ་སྦྱར་ནས་ཀྱང་། །ཕྲག་པ་གཅིག་ཏུ་གོས་གཟར་འདུག་།
186b4 པུས་མོ་ས་ལ་བཙུགས་བྱས་ནས། །འདི་སྐད་དུ་ནི་ཚིག་ཀྱང་སྨྲས། །ཀུན་མཁྱེན་བདེན་པ་གང་གིས་སུ། །བདག་གིས་བསམ་པ་མཁྱེན་ཅེ་ན། །བདེན་པའི་ཚིག་ནི་འདི་ཉིད་ཀྱིས། །ཐུབ་པ་བདག་གི་མདུན་དུ་བཞུགས། །དེ་ནས་ཚིག་འདི་སྨྲས་ནས་ཀྱང་། །ས་ནི་རབ་ཏུ་གཡོས
186b5 པར་གྱུར། །ས་གཞི་རྣམ་པར་བརྟོལ་ནས་ནི། །དེ་བཞིན་གཤེགས་པ་བྱུང་བར་གྱུར། །རྫུ་འཕྲུལ་དག་དང་ལྡན་པ་ཡི། །ཉན་ཐོས་ལྔ་བརྒྱས་ཡོངས་སུ་བསྐོར། །བརྒྱ་ཕྲག་བཅུ་གཉིས་སྙེད་དག་གི་།བྱང་ཆུབ་སེམས་དཔའ་རྣམས་དང་ནི། །སྐྱོད་པ་དང་ནི་ལྷ་ཀླུ་དང་། །བརྒྱ་བྱིན
186b6 ཚངས་པས་མདུན་གྱིས་བལྟས། །དེ་འདྲའི་རྫུ་འཕྲུལ་མཐོང་ནས་ནི། །དེ་ཚེ་འཇིག་རྟེན་ངོ་མཚར་འཛིན། །རྒྱལ་པོ་དཔུང་བཅས་བློན་པོར་བཅས། །སྟོན་པའི་ཞབས་ལ་འདུད་པར་བྱེད། །དེར་ནི་སྲོག་ཆགས་སྟོང་དག་གིས། །སྟོན་པ་ལ་ནི་མཆོད་པ་བྱས། །རྫོགས་པའི་སངས་རྒྱས
186b7 མཆོད་བྱས་ནས། །བྱང་ཆུབ་དོན་དུ་ཡིད་བཏུད་དོ། །དེ་ནས་གྲོང་ཁྱེར་གྱི་དབུལ་པོ་དེས་པས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་ལན་བདུན་བསྐོར་བ་བྱས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་མཉན་ཡོད་འདི་ན་འཁྱམ་ཞིང་མཆིས
iiif viewer powered by OpenSeadragon
