| e-texts navigator |
| Wylie |
17a1 དང་། སངས་རྒྱས་ཀྱི་ཞིང་ཐམས་ཅད་ཡོངས་སུ་སྦྱངས་ཀྱང་སངས་རྒྱས་ཀྱི་ཞིང་ཡོངས་སུ་དག་པ་ཡང་དག་པར་རྗེས་སུ་མི་མཐོང་བ་དང་། རྟག་པར་སངས་རྒྱས་རྣམས་རྗེས་སུ་དྲན་པར་བྱེད་ཀྱང་གཟུགས་ཀྱི་མཚན་ཉིད་དུ་མི་ལྟ་བ་དང་། སངས་རྒྱས་ཀྱི་ཞིང་ཀུན་ཏུ
17a2 རྒྱུ་བར་བྱེད་ཀྱང་ཆོས་ཀྱི་དབྱིངས་དང་མི་འབྲལ་བ་གང་ཡིན་པ་འདི་ནི་བྱང་ཆུབ་སེམས་དཔའི་རྩོལ་བ་མེད་པའི་ཡེ་ཤེས་ཤེས་བྱའོ། །བྱང་ཆུབ་སེམས་དཔའ་རྣམས་ནི་འདི་ལྟ་བུའི་ཡེ་ཤེས་དང་ལྡན་པའི་ཕྱིར་སེམས་ཅན་ཐམས་ཅད་ཀྱི་རེ་བ་ཡོངས་སུ་རྫོགས་པར་བྱས་ཀྱང་གང་བྱས་པ་དེ་དག
17a3 ལ་མངོན་པར་ཞེན་པ་ཡང་མེད་དོ། །དེའི་ཚེ་བཅོམ་ལྡན་འདས་ཀྱིས་རྩོལ་བ་མེད་པའི་ཡེ་ཤེས་འདི་བསྟན་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་པར་གྱུར་ཏོ། །བརྒྱ་བྱིན་ལྷའི་དབང་པོ་ཡང་སུམ་ཅུ་རྩ་གསུམ་གྱི་ལྷ་རྣམས་དང་བཅས་པར
17a4 སྟེང་གི་བར་སྣང་ལས་མེ་ཏོག་མན་དཱ་ར་བ་དང་། ཨུད་པ་ལ་དང་། ཀུ་མུ་ད་དང་། པད་མ་དང་། པུན་ད་རི་ཀ་དང་། ཙན་དན་གྱི་ཕྱེ་མའི་ཆར་མངོན་པར་ཕབ་སྟེ། བཅོམ་ལྡན་འདས་ལ་མངོན་པར་གཏོར་ཏོ། །ལྷའི་རྔ་རྣམས་ཀྱང་རང་སྒྲ་བྱུང་བར་གྱུར་ཏོ། །ངོ་མཚར་རྨད་དུ་བྱུང་བའི་སྣང་བ
17a5 ཆེན་པོས་ཀྱང་ཀུན་ཏུ་སྣང་བར་བྱས་ཏེ། སེམས་ཅན་གང་ལ་རེག་པར་གྱུར་པ་དེའི་ལུས་ཀྱང་ཤིན་ཏུ་བསིལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་གློག་ཐོབ་ལ་བཀའ་སྩལ་པ། གློག་ཐོབ་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
17a6 པའི་སངས་རྒྱས་རྣམས་ཀྱིས་ཀྱང་གནས་འདིར་ཆོས་ཀྱི་རྣམ་གྲངས་འདི་ལྟ་བུ་གསུངས་སོ། །མ་བྱོན་པའི་དེ་བཞིན་གཤེགས་པ་རྣམས་འཇིག་རྟེན་དུ་འབྱུང་བའི་ཚེ་ཡང་གནས་འདིར་ཆོས་ཀྱི་རྣམ་གྲངས་འདི་ལྟ་བུ་གསུང་བར་འགྱུར་རོ། །འཇིག་རྟེན་གྱི་ཁམས་ཚད་མེད་གྲངས་མེད་པ་དག་ན་ད་ལྟར
17a7 བཞུགས་པའི་དེ་བཞིན་གཤེགས་པ་རྣམས་ཀྱང་ཆོས་ཀྱི་རྣམ་གྲངས་འདི་རྒྱུན་མི་འཆད་པར་མཛད་པའི་ཕྱིར་འོད་ཟེར་ཆེན་པོ་འགྱེད་པར་མཛད་དོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ
iiif viewer powered by OpenSeadragon
