| e-texts navigator |
| Wylie |
171a1 ལ་གྲང་བ་ཡང་ཁྱད་དུ་གསོད། ཚ་བ་དང་། བཀྲེས་པ་དང་། སྐོམ་པ་དང་། ཤ་སྦྲང་དང་། སྦྲང་བུ་དང་། རླུང་དང་། ཉི་མ་དང་། སྡིག་སྦྲུལ་གྱིས་རེག་པ་དང་། གཞན་གྱིས་ངན་དུ་སྨྲས་ཤིང་ངན་དུ་བརྗོད་པའི་ཚིག་གི་ལམ་དང་། ལུས་ཀྱི་ཚོར་བ་དྲག་པ། རྩུབ་པ།
171a2 མི་བཟད་པ། སྲོག་འཆད་པར་འགྱུར་བ་ཡང་ཁྱད་དུ་གསོད་དོ། །དེ་ཆོས་རྣམས་ལ་ནི་རིན་པོ་ཆེར་འདུ་ཤེས་ཉེ་བར་གནས། ཆོས་སྨྲ་བ་རྣམས་ལ་རིན་པོ་ཆེའི་གཏེར་དུ་འདུ་ཤེས། ཆོས་ཉན་པ་ལ་ནི་དཀོན་པ་རྙེད་པར་འདུ་ཤེས། ཆོས་འཛིན་པ་ལ་ནི་དོན་ཡོད་པར་སྲོག་སོགས་པར་འདུ་ཤེས།
171a3 ཆོས་ཀྱི་ཡོན་ཏན་མང་དུ་བྱེད་པ་ལ་ནི་སྲོག་དོན་ཡོད་པར་འདུ་ཤེས། ཆོས་ལ་ཡོངས་སུ་རྟོག་པ་ལ་ནི་ཚེ་རབས་བརྒྱར་མི་རྙེད་པར་འདུ་ཤེས་ཉེ་བར་གནས་པ་ཡིན་ཏེ། དེར་ཆོས་དེ་དག་ཉན་ཅིང་འཛིན་ལ་མང་དུ་བྱེད་ཅིང་ཡོངས་སུ་རྟོག་ན་ཁམས་རྣམས་ཀྱང་རབ་ཏུ་ཤེས། ཕུང་པོ་རྣམས་དང་། སྐྱེ་མཆེད
171a4 རྣམས་དང་། འཕགས་པའི་བདེན་པ་རྣམས་དང་། རྟེན་ཅིང་འབྲེལ་པར་འབྱུང་བ་དང་། དུས་དང་། ཐེག་པ་རྣམས་དང་། དགེ་བ་བསགས་པ་ཡང་རབ་ཏུ་ཤེས་སོ། །ཁམས་རྣམས་ཇི་ལྟར་རབ་ཏུ་ཤེས་ཤེ་ན། ཁམས་ནི་གཉིས་ཏེ། འདུས་བྱས་དང་། འདུས་མ་བྱས་ཤེས་བྱ་བ་སྟེ།
171a5 ཁམས་གཉིས་པོ་དེ་དག་གོ་།འདུས་བྱས་ཀྱི་ཁམས་ནི་གང་། འདུས་མ་བྱས་ཀྱི་ཁམས་ནི་གང་ཞེ་ན། གང་ཅི་ཡང་རུང་སྟེ། སྐྱེ་བ་དང་། གནས་པ་དང་། འགག་པ་འདི་ནི་འདུས་བྱས་ཀྱི་ཁམས་ཞེས་བྱའོ། །གང་ཅི་ཡང་རུང་སྟེ། སྐྱེ་བ་མེད་པ་དང་། གནས་པ་མེད་པ་དང་། འགག
171a6 པ་མེད་པ་དེ་ནི་འདུས་མ་བྱས་ཀྱི་ཁམས་ཞེས་བྱ་སྟེ། དེ་ལྟར་འདུས་བྱས་དང་། འདུས་མ་བྱས་ཀྱི་ཁམས་རབ་ཏུ་ཤེས་སོ། །གཞན་ཡང་ཁམས་གསུམ་རབ་ཏུ་ཤེས་ཏེ། དགེ་བའི་ཁམས་དང་། མི་དགེ་བའི་ཁམས་དང་། ལུང་དུ་མ་བསྟན་པའི་ཁམས་ཏེ་གསུམ་པོ་དེ་དག་གོ་།དགེ
171a7 བའི་ཁམས་ནི་གང་། མི་དགེ་བའི་ཁམས་ནི་གང་། ལུང་དུ་མ་བསྟན་པའི་ཁམས་ནི་གང་ཞེ་ན། གང་ཅི་ཡང་རུང་སྟེ། ཆགས་པ་མེད་པ་དང་། ཆགས་པ་མེད་པ་དང་ལྡན་པ་དང་། གང་ཅི་ཡང་རུང་སྟེ། ཞེ་སྡང་མེད་པ་དང་། ཞེ་སྡང་མེད་པ་དང་ལྡན་པ་དང་། གང་ཅི་ཡང་རུང་སྟེ།
iiif viewer powered by OpenSeadragon
