| e-texts navigator |
| Wylie |
11b1 བྲང་དུ། །བཙུན་མོ་དག་དང་ལྷན་ཅིག་རྩེ། །རྒྱལ་པོ་འཁོར་དང་བཅས་པ་ཡིས། །ལེགས་པར་རྟོགས་ལ་ཐེ་ཚོམ་སོལ། །རྒྱལ་པོས་དངོས་པོ་འདི་ཐོས་པས། །སེམས་ལ་སྐྲག་ཅིང་མྱ་ངན་སྐྱེས། །འཁོར་རྣམས་དང་ནི་ལྷན་ཅིག་ཏུ། །མྱུར་ཞིང་རིངས་པར་ཕོ་བྲང་དོང་། །
11b2 དེ་ཚེ་དྲི་མེད་ཕོ་བྲང་ནང་། །ཆོས་རྣམས་རང་བཞིན་སྟོང་པ་དང་། །བདག་དང་སེམས་ཅན་མེད་པ་ཡི། །དམ་པའི་དོན་ནི་སྟོན་པར་བྱེད། །རྒྱལ་པོ་དམག་འཁོར་བཅས་པ་རྣམས། །ཐམས་ཅད་བདུད་ཀྱིས་བསླུས་པས་ན། །ཕོ་བྲང་ནང་གི་བཙུན་མོ་རྣམས། །དགེ་སློང་ཡོངས
11b3 བསྐོར་མཐོང་བ་དང་། །ཞེ་སྡང་གླང་ཆེན་མྱོས་འདྲ་བས། །གཤེད་མ་དག་ལ་རབ་བསྒོ་བ། །དགེ་སློང་ང་ཡི་བཙུན་མོ་བསླུས། །སྡུག་བསྔལ་ཆོས་ཀྱི་ཆད་པས་ཆོད། །བློན་པོ་འཁོར་དང་བཅས་པ་རྣམས། །ཐམས་ཅད་བདུད་ཀྱིས་ཟིན་པས་ན། །དགེ་སློང་ཉེས་པ་མེད་པ་ལ། །
11b4 སེམས་ཀྱིས་གནོད་པ་བྱ་བར་བསམས། །གཤེད་མ་མཚོན་ཐོགས་འོངས་པ་དང་། །དྲི་མེད་སྙིང་བརྩེ་མཆི་མ་བྱུང་། །རྒྱལ་པོས་ཁྱོད་ནི་ཆོས་མིན་ན། །ཅི་ཡི་ཕྱིར་ན་མཆི་མ་བྱུང་། །དྲི་མེད་རྒྱལ་པོ་ལ་སྨྲས་པ། །དངོས་པོ་འདི་ནི་ཡིད་ཆེས་དཀའ། །རེ་ཤིག་སྐད་ཅིག་སྡོད་ཅིག
11b5 དང་། །བདག་བསད་པ་ཡི་ལོང་ཡོད་དོ། །རྒྱལ་པོས་དགེ་སློང་ཚིག་ཐོས་ནས། །གཤེད་མ་དག་ལ་སྡོད་ཅིག་བསྒོ། །བདེན་པའི་དངོས་པོ་ཅི་ཞིག་ཡོད། །ཁྱོད་ཀྱིས་མྱུར་དུ་སྨྲ་བའི་རིགས། །ལྷག་པའི་བསམ་པ་ལྡན་གྱུར་ཅིང་། །སྙིང་རྗེས་འཇིག་རྟེན་ཕན་འདོགས་པས། །
11b6 སོར་མོ་བཅུ་ཡི་ཐལ་སྦྱར་ཏེ། །བདེན་པའི་ཚིག་ནི་འདི་སྐད་སྨྲས། །རྒྱལ་པོ་ཆེན་པོས་མཁྱེན་པར་མཛོད། །གལ་ཏེ་ཡང་དག་ཉེས་མེད་ན། །ས་འདི་རྣམ་པ་དྲུག་ཏུ་གཡོས། །མཁའ་ལས་མེ་ཏོག་ཆར་ཕོབ་ཤིག་།དེ་སྐད་ཚིག་ནི་སྨྲས་མ་ཐག་།ས་ཆེན་རྣམ་པ་དྲུག་ཏུ་གཡོས། །
11b7 མཁའ་ལས་ལྷ་ཡི་མེ་ཏོག་བབ། །བདུད་འཁོར་མྱ་ངན་སྐྱེས་པར་གྱུར། །དེ་ཚེ་རྒྱལ་པོ་དང་བ་སྐྱེས། །རྐང་ལ་ཕྱག་བྱས་བཟོད་པ་གསོལ། །བདག་ནི་དམྱལ་བར་ལྟུང་འགྱུར་ན། །མགོན་མེད་བདག་ལ་སྐྱབས་མཛོད་ཅིག་།ཀྱི་ཧུད་སྡིག་པའི་གྲོགས་ཕྲད་པས། །གདུག་པའི་སེམས
iiif viewer powered by OpenSeadragon
