| e-texts navigator |
| Wylie |
250b1 ཏུ་འཁོད་དོ། །གང་སུ་དག་གིས་བཅོམ་ལྡན་འདས་ལ་སྙུན་གསོལ་ཏེ་སྙུན་གསོལ་ནས་ཇི་ལྟར་སྙིང་པོ་དང་སྙིང་པོ་མེད་པའི་གཏམ་འདྲི་ཞིང་ཕྱོགས་གཅིག་ཏུ་འཁོད་དོ། །གང་སུ་དག་གིས་བཅོམ་ལྡན་འདས་ལ་ཐལ་མོ་སྦྱར་བའི་ཕྱག་བྱས་ནས་ཕྱོགས་གཅིག་ཏུ་འཁོད་དོ། །གང་སུ་དག་གིས
250b2 མིང་དང་རིགས་དཔྱོད་ཅིང་ཕྱོགས་གཅིག་ཏུ་འཁོད་དོ། །གང་སུ་དག་ཅང་མི་སྨྲ་བར་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གནོད་སྦྱིན་མ་རུངས་པ་གང་ལ་ལ་ཞིག་བཅོམ་ལྡན
250b3 འདས་ལ་མ་དད་པར་གྱུར་ཏོ། །གནོད་སྦྱིན་མ་རུངས་པ་གང་ལ་ལ་ཞིག་བཅོམ་ལྡན་འདས་ལ་དད་པར་གྱུར་ཏོ། །གནོད་སྦྱིན་འབྲིང་པོ་གང་ལ་ལ་ཞིག་བཙུན་པ་བཅོམ་ལྡན་འདས་ལ་མ་དད་པར་གྱུར་ཏོ། །གནོད་སྦྱིན་འབྲིང་པོ་གང་ལ་ལ་ཞིག་བཙུན་པ་བཅོམ་ལྡན་འདས་ལ་དད་པར་གྱུར
250b4 ཏོ། །གནོད་སྦྱིན་དམན་པ་གང་ལ་ལ་ཞིག་བཙུན་པ་བཅོམ་ལྡན་འདས་ལ་མ་དད་པར་གྱུར་ཏོ། །གནོད་སྦྱིན་དམན་པ་གང་ལ་ལ་ཞིག་བཙུན་པ་བཅོམ་ལྡན་འདས་ལ་དད་པར་གྱུར་ཏོ། །གནོད་སྦྱིན་གང་ལ་ལ་ཞིག་བཙུན་པ་བཅོམ་ལྡན་འདས་ལ་མ་དད་པར་གྱུར་པའི་རྒྱུ་གང་ལགས། བཙུན
250b5 པ་བཅོམ་ལྡན་འདས་ཀྱིས་སྲོག་གཅོད་པ་སྤོང་བའི་ཆོས་བསྟན་པ་དང་། མ་བྱིན་པར་ལེན་པ་སྤོང་བའི་ཆོས་བསྟན་པ་དང་། འདོད་པ་ལོག་པར་སྤྱོད་པ་སྤོང་བའི་ཆོས་བསྟན་པ་དང་། དུ་སྨྲ་བ་སྤོང་བའི་ཆོས་བསྟན་པ་དང་། མྱོས་པར་འགྱུར་བའི་ཆང་གི་བཏུང་བ་སྤོང་བའི་ཆོས་བསྟན
250b6 པ་མཛད་ལ། གནོད་སྦྱིན་གང་དེ་རྣམས་སྲོག་གཅོད་པ་སྤོང་བ་ལ་མི་དགའ་བར་གྱུར་པ་དང་། མ་བྱིན་པར་ལེན་པ་སྤོང་བ་ལ་མི་དགའ་བར་གྱུར་པ་དང་། འདོད་པ་ལོག་པར་སྤྱོད་པ་སྤོང་བ་ལ་མི་དགའ་བར་གྱུར་པ་དང་། དུ་སྨྲ་བ་སྤོང་བ་ལ་མི་དགའ་བར་གྱུར་པ་དང་། མྱོས་པར
250b7 འགྱུར་བའི་ཆང་གི་བཏུང་བ་སྤོང་བ་ལ་མི་དགའ་བར་གྱུར་པས་དེ་རྣམས་ལ་མི་དགའ་ཞིང་མི་འདོད་པར་གྱུར་ཏོ། །བཙུན་པ་བཅོམ་ལྡན་འདས་ཀྱིས་ཉན་ཐོས་ཇི་སྙེད་ཡོད་པ་རྣམས་འབྲོག་དགོན་པའི་ལམ་དུ་ཞུགས་ནས་ཉལ་བ་དང་འདུག་པ་ལ་བརྟེན་ནོ། །སྒྲ་མེད་ཅིང་དབྱངས་མེད་པར་དབེན
iiif viewer powered by OpenSeadragon
