| e-texts navigator |
| Wylie |
248b1 ཤིའོ་ཞེས་ཟེར་བ་ལ་ཡིད་ཆེས་པར་མ་བྱས་སོ། །འདིའི་དོན་འབྱུང་བ་ནི་ཆོས་སྐྱོང་བ་ཆེན་པོའི་སྐྱེས་རབས་སུ་བཤད་དོ། །གཏམ་གྱི་མཐར་རྒྱལ་པོས་ཕྱིར་མི་འོང་བའི་འབྲས་བུ་ལ་གནས་སོ། །དེ་ལྟར་བཅོམ་ལྡན་འདས་ཀྱི་ཡབ་འབྲས་བུ་གསུམ་ལ་སོ་སོར་གནས་ནས་དགེ་སློང་གི་དགེ་འདུན
248b2 འཁོར་དུ་བྱས་སོ། །སླར་ཡང་རྒྱལ་པོའི་ཁབ་ཏུ་གཤེགས་ནས་བསིལ་བའི་ཚལ་དུ་བཞུགས་སོ། །དེའི་ཚེ་ཁྱིམ་བདག་མགོན་མེད་ཟས་སྦྱིན་གྱིས་ཤིང་རྟ་ལྔ་བརྒྱའི་ནོར་ཁྱེར་ནས་རྒྱལ་པོའི་ཁབ་ཏུ་རང་ཉིད་དགའ་བའི་གྲོགས་ཀྱི་ཁང་པར་སོང་སྟེ། དེས་སངས་རྒྱས་བཅོམ་ལྡན་འདས་བྱོན་ནོ་ཞེས
248b3 པ་ཐོས་ནས་ཤིན་ཏུ་སྔ་བར་ལྷའི་མཐུས་སྒོ་ཕྱེ་སྟེ། སྟོན་པའི་དྲུང་དུ་ཉེ་བར་སོང་ནས་ཆོས་ཐོས་ཏེ་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ། །ཉི་མ་གཉིས་པ་ལ་སངས་རྒྱས་ལ་སོགས་པའི་དགེ་འདུན་ལ་སྦྱིན་པ་ཆེན་པོ་ཕུལ་ལོ། །མཉན་ཡོད་དུ་གཤེགས་པའི་ཕྱིར་དུ་སྟོན་པའི་དྲུང་དུ་དམ
248b4 བཅའ་བླངས་ནས་བར་གྱི་ལམ་དཔག་ཚད་བཞི་བཅུ་རྩ་ལྔའི་གནས་སུ་འབུམ་ཕྲག་རེ་རེའི་ནོར་བྱིན་ནས་དཔག་ཚད་རེ་རེའི་གཙུག་ལག་ཁང་བྱས་སོ། །རྒྱལ་བྱེད་ཚལ་བྱེ་བ་ཕྲག་བརྒྱད་ཀྱི་དབྱིག་གིས་ཉོས་ནས་ལས་ཁ་གསར་པ་བྱེད་ཅིང་དབུས་སུ་སྟོབས་བཅུ་པའི་དྲིའི་གཙང་ཁང་བྱེད་དོ། །
248b5 དེ་ལ་བསྐོར་བ་རྣམས་ལ་གནས་བརྟན་ཆེན་པོ་བརྒྱད་ཅུའི་བཞུགས་གནས་སོ། །ཆིག་ཐོག་དང་ཉིས་ཐོག་དང་ཁང་པ་རིང་པོ་དང་། བསྟི་གནས་ལ་སོགས་པའི་བཞུགས་གནས་དང་། རྫིང་བུ་དང་། འཆག་ས་དང་། མཚན་མོའི་བཞུགས་གནས་དང་། ཉིན་མོའི་བཞུགས
248b6 གནས་སོ། །བྱེ་བ་ཕྲག་བརྒྱད་ཀྱི་ནོར་སྤེལ་ཏེ་ཡིད་དུ་འོང་བའི་ས་ཕྱོགས་ཡིད་ལ་འཐད་པའི་གཙུག་ལག་ཁང་བྱེད་དོ། །སྟོབས་བཅུ་པ་བྱོན་པའི་ཕྱིར་དུ་ཕོ་ཉ་བ་བཏང་ངོ་། །སྟོན་པས་ཕོ་ཉ་བའི་འཕྲིན་གསན་ནས་དགེ་སློང་གི་དགེ་འདུན་ཆེན་པོའི་འཁོར་དུ་བྱས་ཏེ་རྒྱལ་པོའི་ཁབ་ནས་ཕྱིར
248b7 བྱོན་ཏེ་བཞིན་དུ་གྲོང་ཁྱེར་མཉན་ཡོད་དུ་བྱོན་ནོ། །གཙོ་བོ་ཆེན་པོ་གཙུག་ལག་ཁང་ཆེན་པོ་སྟ་གོན་བྱས་ནས་དེ་བཞིན་གཤེགས་པ་རྒྱལ་བྱེད་ཚལ་དུ་བྱོན་པའི་ཉིན་མོ་བུ་རྒྱན་ཐམས་ཅད་ཀྱིས་བརྒྱན་ནོ། །སླར་ཡང་བརྒྱན་པ་ཉིད་ཀྱི་གཞོན་ནུ་ལྔ་བརྒྱ་དང་བཅས་པ་བཏང་ངོ་། །དེ
iiif viewer powered by OpenSeadragon
