| e-texts navigator |
| བོད་ཡིག |
29a1 lam// de bzhin nyid du sems byed pa// rang byung dbyings las g.yos ma yin// 'dzin pa g.yos pa min pa na// phal pa'i rnam shes dag dang mtshungs// byang chub nam mkha' yod ma min// stong
29a2 pa nyid kyi ye shes kyis// dngos po gang yang ma yin par// stong pa nyid du stong par shes// ye shes sangs rgyas de la med// ming tsam 'dzin pa'i stobs bral na/ shes rab gang du mi 'gro ba// de ni byang chub snying
29a3 po nyid// log pa'i stobs kyi g.yengs pa che// rtog pa'i dbang las byung ba las// chags pa'i stobs bral thig le'i sku// bde ba chen pos g.yos pa med// rdo rje khrag 'thul thol pa mi sku// blo gros snying po rdo
29a4 rje'i blo// stong pa nyid du dben 'dzin te// stong pa'i stong pa skye bas na// 'dzin pa'i lcags kyus zin pa ste// stong pa'i stong pas bcings pa'o// ye shes chen pos rlung g.yos na// chos rnams mi mnyam so so'i
29a5 rlung // yang dag nyid du mi 'gyur bas// grol bas grol yong mi 'gyur ro// yod med grol dang ma grol med// de nas dag pas sbyang mi dgos// nam mkha' nyid dang ma 'brel bas// byams pa'i thig le snying
29a6 brtser bzhag/ dngos med mi rtog mthong ba ni// dngos dang mi rtog dang dngos dang rtog/ bya bral chos ni ma yin pas// grol ba rang 'byung gzhan min te// byang chub sems dpa' 'khor lo rdo rje las// rnam
iiif viewer powered by OpenSeadragon
Texts on this page
Gpb054.021 - rdzogs pa chen po sa gcig pa
Gpb054.004 - byang chub sems dpa' 'khor lo rdo rje zhes bya ba'i rgyud