| e-texts navigator |
| བོད་ཡིག |
247b1 dra ba las/ phyogs bcu dus bzhi'i snod bcud bdag la 'dus pa dang / longs spyod dang sku gsung thugs kyi mi zad pa'i rgyan gyis 'khor lo bskor ba'i le'u ste dang po'o// // de nas de bzhin gshegs
247b2 pas rgyud kyi rgyal po sgyu 'phrul dra ba bstan pa las chos thams cad nam mkha'i mkha' dang / yum gyi dbyings su 'dus par bstan pa ched du brjod pa 'di brjod do// yang dag don gyi gsang mchog ni// bde ba'i
247b3 thugs kyi dkyil 'khor la// nges pa'i don chen bzhi bcu gnyis// yid bzhin rin chen gsal 'bar thim// thams cad ma lus thig le'i dbyings// sku lnga'i 'od zer mang po kun// thams cad yum gyur/
247b4 dbyings su thim// gsal 'bar sprin gyi bdag por 'gyur// byang chub sems kyi theg pa ni// kun la khyab cing mi gnas pa/ kha dog gnas dang dbyibs ma yin// yon tan mchog gis snying po ni// rtog ge'i
247b5 spyod yul yang ma yin// zab cing rgya chen rab sbyangs pa'i// gsang ldan bstan pa'i spyod yul de// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten khams
247b6 g.yo dang // rgyal ba mngon 'byung thams cad kun// nam mkha' khams gsum gyur pa la// dus bzhi phyogs bcu na yang med// dus gsum bde gshegs nyid mi mnga'// sngon gyi bde gshegs thugs chud pa'i//
iiif viewer powered by OpenSeadragon
Texts on this page
Gpb054.026 - 'phags pa rtogs pa'i rgyal po/ sgyu 'phrul dra ba le'u stong phrag brgya pa las/ mtshan nyid dang rgyud thams cad lung gis dpyad pa/ de bzhin gshegs pa thams cad kyi gsang ba/ gsang ba'i snying po de kho na nyid nges pa'i le'u las/ sgyu 'phrul le lag