| e-texts navigator |
| བོད་ཡིག |
140a1 pa'i/ le'u ste gsum pa'o// // de nas bcom ldan 'das kyis nang skor rtogs pa ye shes kyi 'khor lo 'di thugs kyi gsang mdzod chen po nas gsungs so// dpal ldan rdo rje sems dpa' yi//
140a2 thig le mthar zug dgongs pa yis// bzhi bcas thugs rje'i lcags kyus gzung // ye shes gsang ba 'khor lo che// sangs rgyas mnyam sbyor dgongs par bcas// srid pa'i 'khor lo dang po yin// 'jam
140a3 dpal dri med snying po yis// rgyud lung man ngag khog phub nas// gzhung du dril bar bya ba yang // sangs rgyas 'dus pa man ngag rgyud// rgyud rnams man ngag thugs kyi gter// srid pa'i 'khor lo bshad pa
140a4 las// dri med snying po'i dgongs pa yin// sbubs gsum dgongs pas gzhi bzung nas// de bzhin gshegs pa'i chos lnga dang // byang chub sems dpa'i chos bdun dang // ting 'dzin lta bu'i srog shing drug/
140a5 spyan ras gzigs ni seng ge sgra// srid pa'i 'khor lo gsum pa yin// seng ge 'khyil ba'i dgongs pa las// phyi nang gsang ba sgrub ni// rtags bzhi bdud bzhi rgyas gdab bzhi// gangs la nyi ma shar ba dang //
140a6 thog dang gzer dang khyud dang ni// skar mda' lta bu man ngag gis// phyag na rdo rje me lce phreng // srid pa'i 'khor lo bzhi pa yin// rig gsum rigs khyab spyi dang bzhis// mu khyud grong khyer bzhi yis mdzes//
iiif viewer powered by OpenSeadragon
Texts on this page
Gpb054.018 - rdzogs pa chen po byang chub kyi sems mdzod kyi chos/ rtsa ba nam mkha' gnyis pa las/ ye shes nam mkha'