| e-texts navigator |
| བོད་ཡིག |
131b1 thog ma med pa'i gnas sngon byung ba'i dus su/ har shang 'bar ne'i nags tshal du/ bdag rdo rje rnal 'byor ma nyid kyis thugs rje rang byung nyi ma shar nas// nga nyid ye shes snang ba'i dus na/ chos kyi dbyings kyi
131b2 pho brang na rig pa las tha mi dad pa/ rang byung gi sku lnga snang la rang bzhin med par rang gsal ba/ mnan na nem zhes byed pa/ gdos pa'i spyod yul min pa/ steg na 'phar zhes byed pa/ gsal ba zang thal yin
131b3 pa/ ngam 'grog dang g.yang sa med pa/ tsher ma dang / rno zur med pa/ lcong rong bya skyibs med pa/ shes rab nyam bde ba la phyogs su ma lhung ba/ bul ba'i yul bde ba nyams su myong ba'o// nang rig pa chos kyi
131b4 sku/ 'gag pa med par lhug pa'i shes rab khong nas shar bas/ lhan cig skyes pa'i ye shes rin po che 'od 'bar ba'i nang na bkod pa med pa phyag rgya'i dkyil 'khor// rang de'i yon tan gyi sku ma 'dres par so/
131b5 sor gsal ba/ bdag med pa'i bdag nyid chen po// zhi ba chos kyi sku mnyam la ma 'dres par bzhugs so// de kho na nyid ma byas pa'i chos zhes bya ba'i 'bas kyi grub pa ye shes rang snang dbab bcas pa ni/
131b6 sangs rgyas thams cad kyi mkhyen pa la sogs so// zhes rdo rje can la smras so// sa bcu pa'i byang chub sems dpa' khyod/ tshig nyung la don che ba/ slab slab ma go ka ba/ 'di ni rang byung gi bcom ldan 'das/
iiif viewer powered by OpenSeadragon
Texts on this page
Gpb054.017 - rdo rje gsang ba chen po'i sku rin po che dbyig gi sgron ma shes rab chen po'i mdo