| e-texts navigator |
| བོད་ཡིག |
3a1 nas ni// thams cad 'dus nas mnyam pa nyid// thig le rab tu gsal ba yin/ de bzhin gshegs pa thams cad kyi rang bzhin yang dag bsgrub pa'i rgyud las/ khro bo ston pa'i le'u ste gsum
3a2 pa'o// // de nas rgyu'i ting nge 'dzin la snyoms par zhugs nas bka' stsal pa/ rim mam cig car 'jug pa'i gnas// ri rtse chu 'gram sa gzhi legs// bdud rtsi byug pa byas nas ni// chos rnams rang
3a3 bzhin rnams dag las// yi ge so so'i ngo bo ru// dbang bas don de 'jug brtag bya// yi ge bkod pa'i 'jug spyod pa ni// so sor rtog pa'i ye shes so// de yi rang bzhin ye shes so// de yi rang bzhin 'od
3a4 gsal ba// gsal la dag pa dri ma med// de las sgyu ma'i sku rnams rdzogs// mtshan dang dpe byad rnam dag pa// me long ye shes las grub pa// mtshan ma la sogs sbyor ba gang // rang bzhin med pa'i rang
3a5 bzhin gyis// mnyam nyid las ni grub pa yin// ye shes de ni 'dir bshad do// de nas sgyu ma yi gnas su// thams cad mkha' ltar dag pa yin// bka' yi 'khor lo sbyor ba dang // lha yi pho brang sgyu ma'i
3a6 sku// mkha' la sogs pa du ma'i rgya// bya ba'i rig pa thams cad dag/ rang bzhin mnyam pa nyid yin no// tshon sku pad+ma lha yi rigs// sku gsung thugs su brlab par bya// de bzhin gshegs pa thams cad kyi
iiif viewer powered by OpenSeadragon
Texts on this page
Gpb046.001 - rdo rje 'bar ba'i rgyud phyi ma