| e-texts navigator |
| བོད་ཡིག |
117a1 ban d+ha'i dbang bzhi bskur bar bya// gsang ba'i mchod pa phul nas ni// gsang ba'i dbang bzhi bskur bar bya// don gyi mchod pa phul nas ni// don gyi dbang bzhi bskur bar bya// shi ba'i ro la
117a2 dbang bskur bya// gnod pa'i lha 'dre dag la yang // snying rje yid kyis dbang bskur bya// ha ha he he tshar bcad btang // lte ba a a sgra ru btang // glu ru hUM nga hUM nga blang // hUM ring hUM zung 'gog pa dang // shib bu
117a3 rdo rje ting 'dzin bzlas// snying po gsang ba'i rgyud las/ tshogs mchod dbang bskur ba'i le'u ste bcu bzhi pa'o// // kye ma mkha' 'gro gsang ba'i bdag/ phyi nang gsang ba bstan du gsol// mkha' 'gro ma
117a4 yis bka' stsal pa// phyi stong nang stong gsang ba stong // stong pa'i dbyings las yangs dog med// yangs dog med pa b+ha ga'i klong // stong gsal bde chen sangs rgyas yin// phyi gsal nang gsas gsang bar
117a5 gsal// gsal ba rang byung 'gag pa med// 'gag pa med pa nges med shugs// stong gsal bde chen sangs rgyas yin// phyi shes nang shes gsang ba shes// ye shes ma bcos btsal ba med// btsal ba med pa
117a6 'gyur med dang // stong pa ye shes sangs rgyas yin// phyi rig nang rig gsang ba rig/ rig pa rjen pa dri ma med// dri ma med pa zangs thal che// stong rig bde chen sangs rgyas yin// phyi bde nang bde zag med
iiif viewer powered by OpenSeadragon