rKTs

e-texts navigator

Page

20b₁ cad 'gyur ba med cing 'pho 'gyur las 'das pas/ ma byon pa'i sangs rgyas thams cad ni rang byung gi ye shes btsal du med par 'dus so// dus gsum gyi sangs rgyas thams cad spros pa med pa'i thig le chen
20b₂ por 'dus so// de la ched du brjod pa/ e ma ho/ snang srid chos rnams thams cad ye nas stong // 'khor ba'i chos la ye nas stong // 'khor ba'i chos la dngos po med// sems can 'di zhes brtag pa med// de
20b₃ bzhin mi gnas mya ngan 'das// rnam par thar pa'i chos nyid dang // byang chub sems kyi rang bzhin ni/ sus kyang ma byas sus byed yod// nam mkha' bzhin du ye gnas la// de la mkhas pas bcos su
20b₄ med// de ltar dus gsum 'gyur med pas// de ni chos sku rtag pa zhes// kun gyi bdag nyid yin par bshad// de yang ye nas rang byung du// ye shes chen po nyid yin pas// med cing stong par ma gyur pas// ji
20b₅ ltar bsams pa bzhin du 'byung // dper na yid bzhin rin chen rtogs// 'di 'dra rtag par mi snang yang // 'dod pa'i dgos pa 'byung ba bzhin// sems kyi chos nyid de dang mtshungs// nor par brtags pas
20b₆ mtshan ma'i rdzas// bag chags skyes pa ci bsams kyang // de la rtag cing nges med pas// 'dus byas chos zhes de la bya// de bas thams cad 'dus pa'i chos// bde gshegs kun bzang bka' 'di ni// tshig

_{iiif viewer powered by OpenSeadragon}

20a - 21a

Texts on this page