| e-texts navigator |
| བོད་ཡིག |
35a1 byang mtshams dri med ko sha'i mtsho la thog babs pa ltar song ba gzigs so// de nas 'jig rten gyi khams 'od du 'bar te 'od zer phyogs bcur 'phros so// lung bstan rjes su gnang ba'i rgyud
35a2 las/ gleng bslangs pa'i le'u ste gnyis pa'o// // ga tu tsata/ de nas pad+ma 'phreng 'dzin gyis// dpal chen po la 'di skad zhus// kye kye dpal chen 'od dpag med// yi ge 'od kyis rab brgyan pa// d+ha na ko
35a3 sha'i mtsho la babs// 'jig rten khams kyang 'od du 'bar// 'di yi mtshan nyid ji lta bu// mos pa'i 'khor la gsung du gsol// de nas dpal chen 'di skad gsung // nyon cig dri med pad 'phreng
35a4 'dzin// bdag gi thugs kha nas byung ba'i// hri dmar 'od zer 'dus pa 'di// ko sha'i mtsho la babs pa 'di// dus gsum sangs rgyas thams cad kyi// sku gsung thugs kyi sras gcig pu// snyigs ma'i 'gro ba
35a5 dren pa'i dpal// pad+ma ge sar snying po la// 'das grongs mi mnga' rdo rje'i sku// 'gro ba 'dren pa'i lcags kyu mchog/ sdug bsngal nad sel sman gyi rgyal// pad+ma 'byung gnas zhes bya ba/ khye chung lo brgyad tshul
35a6 du 'byung // mtha' yas bdag dang gnyis su med// dus gsum sangs rgyas thams cad kyi// sku gsum thugs kyi sprul pa yin// 'gro rnams sgrol ba'i gru chen yin// ma rig sel ba'i sgron me mchog/ thar pa'i
iiif viewer powered by OpenSeadragon
Texts on this page
Gpb039.017 - lung bstan rjes su gnang ba'i rgyud