| e-texts navigator |
| བོད་ཡིག |
69a1 nus/ smin pa'i rlung gis tshol nus/ sdud pa'i rlung gis nus/ 'deg pa'i rlung gis bskyed nus/ yongs la khyab pa'i rlung gis 'bras bu 'byin nus te/ sprul pa'i skur snang ngo // bltam mo// des na
69a2 ma nges te/ 'chi zhes bya ba 'byung ba'i dus su g.yo ba'i rlung grol bas 'gro ba'i stobs shor// smin pa'i rlung gtor bas drod stor/ sdud pa'i rlung shor bas mdangs shor dri ldog/ 'degs pa'i rlung shor bas mi ngo
69a3 shes te/ yongs la khyab pa'i rlung gis 'bras bu dbyings su bskyal lo// de nas 'chi zhes bya ba'i sgra byung bas/ dmar khrid yang dag pa 'di dgos te/ rig pa zhes bya ba ni ye shes zang thal ngo shes pa la
69a4 bya'o// ma rig pa zhes bya ba ni ye shes ngo ma shes pa la bya'o// ma zhes bya ba ni kun gzhi'o// ma rig pa ni thugs ka la gnas so// kun tu brtags pa dang lhan cig skyes pa'i ma rig pa gnyis ni/ blo sgang gnyis
69a5 la gnas so// gnas dang lam dang sgo dang ni// skyon dang 'bras bu yon tan dag tu bshad// rig pa snying na gnas pa ste// shes rab ces su rab tu grags// ngo bo rtsal dang las dang ni// gnas dang lam dang
69a6 sgo dang ni// yon tan 'bras bu rnam pa brgyad// ces gsungs so// yang bka' stsal pa/ de rnams ma shes ma rig pa// 'gro ba 'khrul pa ru smig sgyu snyeg pa 'dra// zhes gsungs so// gsang ba yang gter gyi rgyud
iiif viewer powered by OpenSeadragon
Texts on this page
Gpb037.027 - gsang ba yang gter gyi rgyud