| e-texts navigator |
| བོད་ཡིག |
151a1 'bras dbyer med thig le'i don// tshe gcig dag gis thob pa'o// ma hA ka ru lo ka ti la dz+nyA na A/ zhes gsungs so// thig le 'dre rgyud chen po las/ grub mtha'i 'bras bus dbang bskur ba'i le'u
151a2 dang / theg pa'i sgo la 'chings pa'i le'u ste bcu pa'o// // de nas yang mkha' 'gro mas zhus pa/ rdo rje sems dpa' chen po lags// brtul zhugs dbang bskur gsung du gsol// ces zhus so// ston
151a3 pas bka' stsal pa/ nyon cig rdo rje mkha' 'gro ma// gangs kyi rgyal po ti tse la// srog chags chen po bzhi gnas so// chu bo bzhi 'bab dbang gi brda// rgya mdud dbang gi dkyil 'khor na// shel gyi ga'u kha sbyar
151a4 na// srog chags rnam bzhi dbang gi rtags// rtags dang don du 'brel ba yin// rin chen zur brgyad pho brang na// rig pa'i rgyal po zang thal gnas// brtul zhugs dbang gi don yin te// srog chags srog rtsa
151a5 gcad pa gces// dbang rtags rang la yod kyis phyir ma tshol// brda don rnam gsum nyi ma'i snying po 'dra// don gsum rang la gnas pa ngo mtshar che// e ma rang shar ltad mo che// phyi nang gsang ba dbang gi
151a6 brda// rang chas yin pas btsal du med// tshol na gser gyis gser tshol 'dra// tshol na shin tu rnyed par dka'// dbang rdzas dbang bskur thob lugs ni// nor bu rin chen gzhan gyi 'od 'phrog 'dra// rang la
iiif viewer powered by OpenSeadragon
Texts on this page
Gpb037.046 - rdo rje mkha' 'gro ma'i 'dre rgyud chen po