rKTs

e-texts navigator

Page

7b₁ rgyun du ma 'bral zhig/ rdo rje sems dpa'i ngo bo rang rig ngang la phyag 'tshal lo// rang sems kun bzang ngo bo chos nyid rtogs nas ni// blang du med pa'i nyams blang 'di ltar te// gcig tu rtogs nas blo dngos
7b₂ phrad tsam na// nyams su len pa su yin blangs pa gang // blo nyid dngos por gyur pas blang bya med// sems de chos nyid ngang du gyur tsam na// sgom mkhan gang gis bsgom pa gang zhig sgom// chos nyid ye khyab
7b₃ rtogs nas ma yengs pa// ye 'byam chos nyid dgongs pa yin par bshad// dper na mkha' la nyi ma shar ba yang // 'char ba'i yul gcig tshad ma'i blor gzhag nas// 'dir 'char 'dir ni mi 'char
7b₄ bar// 'char ba bdag tu dmigs pa ga la yod// chos nyid mkha' la rig pa'i nyi shar ba// chu la chu 'ur thim nas gnas pa las// 'di sgom 'di mi sgom par kun bzang ma gsungs so// sgom yul sgom mkhan
7b₅ bkag pa ma yin yang // blo dngos phrad pas chos nyid ngang du gsal// rtogs nas rang dbang med par sgom pa'i yul dang bral// 'di sgom 'di mi sgom par chos dang gang zag rtogs// skyon dang yon tan bral
7b₆ bas nyon mongs dug gsum log/ dug gsum ma gcad log pas sku gsum ma bsgrubs 'grub// de bas sgom du med pa sgom pa chen po'i mchog/ skyon yon bya byed re dogs med pas che// dgag sgrub yid kyi

_{iiif viewer powered by OpenSeadragon}

7a - 8a

Texts on this page