| e-texts navigator |
| བོད་ཡིག |
73a1 mkhyen pa rang la shar// chos nyid snang ba chos sku bdal khyab mthong // rtsol bas rtogs par rdzogs par mngon sangs tshe 'dir rgyas// snang ba rgyas 'debs pa dgongs pa des mthar sgrol// zhes
73a2 seng ge sgra yi dgongs pa'i rgyud las/ sku gsum rtsal gyi snang ba dbyings ye shes la sdud par bstan pa'i le'u ste don bdun pa'o// // kye/ bcom ldan thugs rje thabs kyi bdag/ dngos grub thob pa ji ltar
73a3 grol// le lo can gyi gang zag la// bar do grol ba ji ltar lags// bka' stsal pa/ mkha' spyod dngos grub thob pa ni// ye shes sgyu ma'i snang ba la// gnyis med spyod pas mkha' spyod grol// bar do grol ba'i
73a4 grol lugs la// 'khrul pa'i snang ba ji ltar 'gag/ rang la shes pa ji ltar 'jug/ 'chi rtags rim pa ji ltar 'byung // ye shes snang ba ji ltar 'char// dbang 'bring grol lugs ji ltar lags// bka' stsal
73a5 pa/ 'jig rten 'khrul pa'i snang ba 'di// dang po rang la shar bas na// za ma rang gi ngang du grol// gzhan snang 'khrul pa 'gags dus su// mtshan ma rang sar grol gyur pa// 'byung ba'i rang rtsal bzhir 'dus
73a6 te// yul lnga sgo lnga'i gnas su sdud// sgo lnga 'byung ba lnga la sdud// 'byung lnga yum lnga bum pa'i dbyings su sdud// gzung 'dzin sems rtog ye shes lnga la sdud// ye shes gzung 'dzin bral ba'i ngo bo chos kyi sku/ kha
iiif viewer powered by OpenSeadragon
Texts on this page
Gpb036.002 - rdzogs pa chen po sku gsum ye shes lnga'i don bshad pa nyi zla kha sbyor seng ge sgra yi dgongs pa bshad pa'i rgyud