| e-texts navigator |
| བོད་ཡིག |
159a1 byas na// de tshe dbyer med gnyis su med par 'gyur// chos sku ye shes dbyer med des thob pa'o// rin po che rgyas pa chen po'i mdo las/ dbang bskur zhing 'bras bu sangs rgyas pa'i le'u ste so
159a2 bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// lha spyod sgom pa 'bras bu dbyer med pa'i// spyi yi ming btags nges pa ji lta bu// ston pa'i ston pa
159a3 kun tu bzang po yis// sdud pa'i gsang bdag rdo rje sems dpa' la// chos rnams thams cad 'byung ba'i gzhir gyur pa// rig med rang rig stong pa'i rang bzhin can// mtha' dang dbus med don dam snying
159a4 po'i ngang // brjod du med pa'i rang bzhin yul las 'das// dngos po mtshan ma med pa'i bdag chen po// 'gyur ba med pa ma bcos kun gyi lam// tha snyad kun dang bral ba thig le'i klong // sgro skur kun bral
159a5 tshig gis mtshon du med// yod med stong dang mi stong gzhal du med// rgyu rkyen ma skyed zag pa med pa'i sku// kun la khyab pa'i rgya yongs ma chad pa// zad med rin chen gter gyi mdzod gyur pa// tshogs brgyad
159a6 yul du ma gyur rmad du byung // rmad byung byang chub sems kyi rang bzhin 'di// gcod med mi gcod dbyer med shel brgyus 'dra// snang ba 'di nyid yin te mthong ba med// mthong med mthong ba lta ba'i lha mchog
iiif viewer powered by OpenSeadragon
Texts on this page
Gpb036.003 - byang chub kyi sems rin po che'i rgyud rgyas pa chen po'i mdo