| e-texts navigator |
| བོད་ཡིག |
152a1 so sor ma 'khrul bar// rang rang dbyibs su so sor snang ba'o// rin po che rgyas pa chen po'i mdo las/ rtsi shing nags tshal rang rang rgyud du byung ba'i le'u ste so gcig pa'o// // sdud pa'i
152a2 gsang bdag rdo rje sems dpa' yis// ston pa'i ston pa kun tu bzang po la// stong gsum stong gi 'jig rten khams 'di na// 'jig chags gnas stongs bskal pa byung ba dang // 'phel dang 'grib pa sna tshogs
152a3 'char ba kun// 'di yi nges don snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub bdag nyid chen po la// 'jig chags gnas pa
152a4 stongs pa med pa dang // dngos po mtshan ma'i 'phel 'grib med pa ste// rang byung rtsal gyi yan lag g.yos pa yis// snod bcud brtas pa'i dngos po mtshan ma 'di// byung ba'i nus mthu zad nas 'jig pa
152a5 ste// rang byung rtsal gyi yan lag byung ba yi// 'dra mthun rigs mthun 'dra ba chags pa dang // nus mthu ma zad bar du gnas pa dang // nus mthu zad na 'jig rten stongs pa'o// rtsal gyi yan lag byung ba'i nus
152a6 mthu las// 'byung ba lnga yi 'phel 'grib byung ba dang // 'gro drug sems can rnams kyi 'phel 'grib dang // nyin mtshan dus kyi 'phel 'grib byung ba dang // bde dang sdug pa'i 'phel 'grib byung ba dang // ston
iiif viewer powered by OpenSeadragon
Texts on this page
Gpb036.003 - byang chub kyi sems rin po che'i rgyud rgyas pa chen po'i mdo