| e-texts navigator |
| བོད་ཡིག |
117b1 btags pa'o// rin po che rgyas pa chen po'i mdo las// chos kyi sku dang rang byung ye shes gnyis// dbyer med rang snang ba'i le'u ste lnga pa'o// // sdud pa'i gsang bdag rdo rje sems dpa' yis// ston pa'i ston
117b2 pa kun tu bzang po la// dngos po mtshan ma rnams kyi gzhi nyid dang // chos rnams thams cad 'byung ba'i rtsa ba gang // gang las byung dang ji ltar 'byung ba'i grangs// 'byung ba'i rtsal rnams ji ltar snang ba
117b3 dang // snang ba'i chos la ming rnams ji ltar btags// brtas pa'i snod bcud mtshan ma ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rig pa rang
117b4 bzhin skye ba med pa dang // rang byung ye shes rang rig ma skyes gnyis// gcig dang tha dad dag las grol bar gnas// dngos po mtshan ma kun gyi gzhi nyid de// gzhi rtsa med pa'i chos nyid chos dbyings
117b5 'di// chos rnams thams cad 'byung ba'i rtsa ba yin// rang byung ye shes yan lag zer phra mo// g.yo mi g.yo las phra rab zer g.yos pas// zer gyi rang bzhin ma 'gags dbyer med dang // dbyer med ngang las
117b6 byung ba'i ye shes 'byung // 'byung ba'i ye shes yan lag drug 'byung ste// gang las gang dang tshad ci gang gis sgo// ji ltar byung nas 'byung ba cir 'byung ba'o// cir 'byung de ni rtsal shugs lngar 'byung ste// rig
iiif viewer powered by OpenSeadragon
Texts on this page
Gpb036.003 - byang chub kyi sems rin po che'i rgyud rgyas pa chen po'i mdo