| e-texts navigator |
| བོད་ཡིག |
91b1 byar yod// sgom zhes dmigs 'joms chags sems la// bral 'dod chags pa spong nyid chags// ma chags pa nyid chags yin na// chags pa btsal bas gting mi rnyed// gting mtha' med pa'i nam mkha'
91b2 la// dmigs 'dzin sgom 'dod byis pa'i las// ched byas byang chub thob 'dod pas// rgya mtsho'i thigs pa bgrang ba 'dra// yod pas ma yin med pas min// gnyis kas kyang ni ma yin te// mtha' med 'dzin
91b3 bral snying po yis// byang chub chos kyi dbyings nyid mthong // de bzhin ma bcos mnyam nyid yang // gang ltar mthong ba de ltar yin// gang phyir brtags na de min te// gnyis ka rtog pa nyid kyi mtha'// dbus
91b4 mtha' med pa'i sems nyid la// de ltar 'dod pas 'khrul pa'i lam// dgag pa'ang de ltar yin shes pas// 'di ltar ci yang mi gzung ngo // gang phyir mkhyen ldan dam pa yis// nges pa'i klong 'di mthong
91b5 ma thag/ lung thob rgyal sras dam pa ste// smra ba'i seng ge rgol ba 'joms// bdud bzhi choms kyis da ma rtsol// dngos grub thob kyi da ma rtsol// bdud rtsi 'thungs kyis da ma slob// kun bzang rig pa'i spyod
91b6 yul las// dman pa'i spyod yul ga la yin// byang chub kyi sems mkha' mnyam klong gi rgyu chen po las/ sems kyi klong bstan pa'i le'u ste bzhi pa'o// // de nas gzhan yang bshad bya ba// byang chub kyi ni
iiif viewer powered by OpenSeadragon
Texts on this page
Gpb034.017 - byang chub kyi sems rdzogs pa chen po mkha' mnyam klong gi rgyud kyi rgyal po