rKTs

e-texts navigator

Page

44a₁ gnas pa de sra zhing mkhregs te dmigs su med pas rdo rje'o// rang bzhin med pa de'i ngang las dus gsum gyi sangs rgyas kun byung zhing / ma bcos pa'i sems nyid rtogs pa las/ dus gsum gyi
44a₂ sangs rgyas kun byung bas yum kun tu bzang mo yin// rang bzhin gyi gnas pa'i byang chub kyi sems ma bcos pa de'i ngang las mi 'da' bas dam tshig yin/ de lta bu'i ngang la gnas pas sgom pa yang yin/ de lta
44a₃ bu'i ngang la gnas shing de'i don la dmigs shing lta bur byed pas lta ba yang yin/ rang bzhin gyis gnas pa'i byang chub kyi sems ma bcos pa de'i ngang du 'khor ba dang mya ngan las 'das pa dbyer med par
44a₄ lhun gyis rdzogs pas bsdud pa yang yin// de lta bu'i don de rtogs pa las thams cad ma lus pa kun 'byung bas sbyin pa'i pha rol tu phyin pa yang yin/ byang chub kyi sems ma bcos pa'i dbyings de las rig pa
44a₅ langs te ma bcos pa de shes pas shes pa thams cad kyis pha rol tu phyin pa yang yin/ de lta bu'i shes pa de la 'gyur ba med par gnas pas bsam par bya ba thams cad kyi pha rol tu phyin pa yang yin/ ma
44a₆ bcos pa'i dbyings byang chub kyi sems der shes shing bsam par bya ba las gzhan du mi g.yengs par gnas pas brtson 'grus kyis rol tu phyin pa yang yin// de lta bu las gzhan du mi 'da' bas tshul khrims

_{iiif viewer powered by OpenSeadragon}

43b - 44b

Texts on this page