| e-texts navigator |
| བོད་ཡིག |
234b1 gcod// dus gsum rgyal ba'i dgongs pa yis// gsang ba thugs kyi rna rgyud 'di// rin chen gser gyi snod chen du// rtsal 'chang 'o ma blug pa ltar// yang gsang rig pa'i gter du bzhag/ rigs nges rgyal
234b2 tshab cig la gtad// bstan pa'i yang snying snying ltar gzung // zhes gsungs so// nya mo 'khor lo'i rgyud las/ rgyud gzung ba'i le'u ste ste bcu bdun pa'o// // byang chub kyi sems rdzogs pa chen po kun
234b3 'dus gser gyi nya mo 'khor lo bskor ba'i rgyud chen po rdzogs so// // dgon phug gi bka' rgyud 'di rnam 'di rnams kyang bstan pa'i yang snying gi yang snying yin pas// spel na mkha' 'gro shrI dza mun tas
234b4 mngon sum du snying 'byin no// // rgya gar skad du/ dun te mi le kar ma tsakra/ bod skad du// yi ge 'bru bshad las kyi 'khor lo/ dpal kun tu bzang po rtog pa mngon du gyur pa'i sangs rgyas la phyag 'tshal
234b5 lo// 'das pa'i dus ma byon pa'i sngon rol na// gzhi lhun gyis grub pa rgya yongs su ma chad pa zhes bya ba// kun gyi gzhi sa chen po/ mi zad pa'i mdzod chen po/ sangs rgyas thams cad kyi 'byung gnas//
234b6 sems can thams cad kyi skye sgo/ longs sku 'byung ba'i dus sa/ rgyud lung thams cad bskyed pa'i ma/ bstan pa bskyed pa'i phye mo/ ston pa 'byung ba'i 'byung sa/ ma rmos pa'i lo tog/ ma bskyed pa'i 'bras
iiif viewer powered by OpenSeadragon
Texts on this page
Gpb034.025 - byang chub sems nya mo 'khor lo'i rgyud
Gpb034.026 - yi ge 'bru bshad las kyi 'khor lo