| e-texts navigator |
| བོད་ཡིག |
233a1 smos pa ci zhig dgos// gsang don btags na bde ba'i sa// de ma thag tu lhun gyi grub// ma chags thabs kyi mdzad pa ni// ci yang yin no gang yang rung // ma bcos thabs kyi 'phrin las
233a2 la// bya dang mi bya ci la yod// bdag med gzhan med rig pa'i klong // bsam zhing spyad med de bzhin nyid// phyi nang kun bral chos kyi dbyings/ khyab par gsal la ngos gzung med// mi 'byung mi 'jug
233a3 dgongs pa'i klong // bya med ma ma yengs dran bsam bral// rang gzhag rig pa gyi nar gnas// bya bral rig pa'i 'phrin las te// ma bcos rig pa thabs kyis// zhes gsungs so// nya mo 'khor lo'i rgyud
233a4 las/ bya btsal bral bar bstan pa'i le'u ste bco lnga pa'o// // de nas yang byang chub sems dpa' rdo rje snying pos/ bcom ldan 'das la 'di skad ces gsol to// kye ma sangs rgyas thams cad kyi// rang
233a5 byung nyag gcig dri med la// rtsol zhing sgrub pa'i chos med pa'i// rang byung 'bras bu ji ltar smon// zhes zhus so// de nas de bzhin gshegs pa kun tu bzang pos// 'dus pa'i tshogs la 'di skad ces gsungs
233a6 so// kye sems dpa' chen po/ gdod nas ma btsal lhun grub pas// bgrod pas thob pa'i 'bras bu min// rgyu rkyen med pa'i rang byung bas// skye zhing 'jig pa'i 'bras bu min// thams cad byang chub snying po
iiif viewer powered by OpenSeadragon
Texts on this page
Gpb034.025 - byang chub sems nya mo 'khor lo'i rgyud