| e-texts navigator |
| བོད་ཡིག |
25b1 brgyud par// spyi blugs tshangs pa'i dbang gis bstan// ma lus thabs chen gcig tu bstan// skal ldan las kyis phrad pa la// dgongs pa byin rlabs tshul gyis bstan// rig pa'i nyams la chags pa
25b2 na// sems dang nyams kyis gsal bar shes// mos ldan phrad par dka' ba la// rnam brgyud 'phrul tshig sgo nas bstan// skal med las kyis bsgribs pa la// thabs kyi khyad par gang bstan yang // thams
25b3 cad la ni me long ltar// bltas kyang gzugs brnyan mi snang ngo // thabs kyi khyad par ci bstan pa// go zhing rtogs pa gcig las med// rgya mtsho chu bo ji bzhin no// dngos don thabs kyis gang rtogs
25b4 nas// rig pa dang po'i gdeng ldan pa// phyi nang spyod yul ma lus la// rig dang dran pas gang gsal ba// rin chen gling la phyin pa'am// 'bru bcud nyams su myong ba'am// 'khrul pa gsal ba'i shes pa
25b5 ltar// rig pa gcig tu nyams myong ba// re dogs rnam par bcad pa'i sems// phyogs bral ye shes chen por rgyas// ma bcos so mar nyag gcig pas// dus gsum 'byed pa'i chos med de// snga phyi med pa'i
25b6 ngo bor gcig/ rtogs pa'i ye shes yengs pa med// chu bo'i rlabs sam kha dog gam// chu bo chu bur ji bzhin du// zhag dang zla ba nas bzung nas// bskal pa bye ba mtha' klas par// rgya mtsho rlan gyi ngo bo
iiif viewer powered by OpenSeadragon
Texts on this page
Gpb007.010 - rdo rje sems dpa' nam mkha'i mtha' dang mnyam pa'i rgyud chen po