| e-texts navigator |
| བོད་ཡིག |
83a1 dpa' chen po/ ma skyes pa'i chos rnams la/ nam yang skye bar mi 'gyur ro// sangs rgyas dang sems can gyi gnas ni gnyis su med de gcig pa'o// stong gsum gyi stong chen po'i 'jig rten gyi khams
83a2 mtha' yas mu med pa ni/ sangs rgyas kyi zhing khams yongs su dag pa nyid do// stong gsum gyi stong chen po'i 'jig rten gyi khams mtha' yas mu med pa 'di na/ 'khor ba dang mya ngan las 'das pa yang med na/
83a3 bde ba chen po'i chos nyid 'byung ba'i dkyil 'khor nyid do// de'i phyir byang chub kyi ye shes ni/ sangs rgyas thugs la gnas pa snang // rnam shes dmigs pa'i yul las 'das// gsal ba mchog gi bde ba
83a4 yis// sangs rgyas kun gyi thugs la gnas// 'di ni gsang ba'i byang chub sems// zhes gsungs so// bde ba chen po'i dkyil 'khor rmad du byung ba'i le'u ste bcu bdun pa'o// // le'u 'dis rmad du
83a5 byung ba'i dkyil 'khor bstan te/ yang gsungs pa/ sems dpa' chen po/ yang dag sangs rgyas gnas rig pa// rtag par sangs rgyas nyid la gnas// nam mkha' lta bur chags pa med// gnas de nyid ni yang
83a6 dag pa'o// phung po lnga don de nyid shes// mi 'pho ba yi don yang rig/ mi 'pho ba yi lam la gnas// rang bzhin med pa'i don shes rig/ rang bzhin med pa'i lam la gnas// ma skyes pa yi sems nyid
iiif viewer powered by OpenSeadragon
Texts on this page
Gpb033.006 - bde ba chen po byang chub kyi sems rmad du byung ba'i le'u