| e-texts navigator |
| བོད་ཡིག |
80b1 nas blang du med pas dus gsum gyi bde bar gshegs pa'i gsang ba chen po nyid yin no// sems dpa' chen po/ sangs rgyas kun gyi byang chub sems 'di ni/ sangs rgyas kun gyi thugs las byung ba nyid yin
80b2 no// de phyir sangs rgyas kun gyi byang chub sems// sangs rgyas kun gyi thugs la gnas// sems dpa' de bzhin rig par gyis// de nas rdo rje sems dpa' ya mtshan pa'i ting nge 'dzin la zhugs nas 'di skad
80b3 ces gsol to// sangs rgyas kun gyi byang chub sems// sangs rgyas nyid kyi thugs la gnas// rdo rje sems dpa'i shes rab kyis// ye shes pha rol phyin pa'i gnas// dus gsum gcig ste rtag par
80b4 bzhugs// zhes gsol to// sems dpa' chen po de bzhin te// rnam par snang mdzad ye shes te// bde bar gshegs pa'i thugs la gnas// yi ge kun la mi snang yang // sems la gsal bar mngon par
80b5 snang // skal ldan rnams kyi rang rig pa// don chen yi ge dam pa ste/ khong nas 'byung ba skye ba med// sems dpa' chen po/ stong gsum gyi stong chen po'i 'jig rten gyi khams 'di dag thams cad ni sangs rgyas
80b6 kun gyi ye shes dri ma med pa nyid yin te/ de'i phyir ngas 'di skad ces bka' stsal to// ye shes 'ba' zhig las byung ba// sangs rgyas kun gyi byang chub sems// sangs rgyas kun gyis rnyed pa yin// bde bar
iiif viewer powered by OpenSeadragon
Texts on this page
Gpb033.006 - bde ba chen po byang chub kyi sems rmad du byung ba'i le'u