| e-texts navigator |
| བོད་ཡིག |
75a1 mchog gi dam pa'o// gsang ba rmad du byung ba las gsang ba dam pa bstan pa'i le'u ste bcu pa'o// / le'u 'dis nges par gsang ba'i man ngag bstan te rdo rje sems dpa' chen po/ rdo rje
75a2 sems dpa' nyid kyi thugs gsang ba'i rgyud las ni/ sku gsung thugs su ma 'dus pa gcig kyang med do// bde bar gshegs pa thams cad sku gsung thugs nyid las gyur pas gsang ba'o// de bzhin gshegs
75a3 pa nyid la rnam par dag pa'i phung po lnga yod de/ gzugs rnam par dag pas thams cad du gyur pa'i phung po dang / dag pa nam mkha' dang 'dra ba ye shes 'byung bas/ rnam par grol ba'i tshor ba 'gag pa med
75a4 pa'i phung po dang / skye ba med pa'i 'du shes chos nyid du gyur pa'i phung po dang / len pa med pa'i 'du byed rnam pa thams cad du tha dad pa'i sgo lnga'i phung po dang / rnam par shes pa nam mkha' dang 'dra ba'i ye shes
75a5 'byung ba'i phung po dang lnga'o// de la sku lnga ni phung po lnga kun gyi bdag nyid du yod pa dang / kun gyi bdag nyid du gyur pas sku'o// sku rnam par snang mdzad du gyur pa ni sku lnga lhun gyis rdzogs pas longs spyod
75a6 rdzogs pa'i sku ste rnam par snang mdzad do// de la rnam par snang mdzad ces gsungs pa ni/ kun gzhi'i rnam par shes pa nyid sku lnga nyid du gyur pa yin te/ de nyid las sku rnam pa sna tshogs cir yang snang bar mdzad
iiif viewer powered by OpenSeadragon
Texts on this page
Gpb033.006 - bde ba chen po byang chub kyi sems rmad du byung ba'i le'u