| e-texts navigator |
| བོད་ཡིག |
71b1 gsum gyi stong chen po'i 'jig rten gyi khams mtha' yas mu med pa thams cad don gcig ste/ sku gsung thugs las ma gtogs pa'i chos rdul tsam yang med la/ chos thams cad kyi don dbyer med par thugs
71b2 su chud pa ni/ kun chub pa'o// sems can thams cad sku gsung thugs su dbyer med pa'i don las g.yo ba med par gsal ba nyid kyi ting nge 'dzin nyid do// byang chub kyi sems nyid bstan pa'i le'u ste bdun
71b3 pa'o// // le'u 'dis byang chub sems rnam par thar pa'i lam bstan te/ bcom ldan 'das rigs lnga'i sangs rgyas la/ rnam par thar pa'i lam du mnga' zhes gsol pa dang / sems dpa' chen po
71b4 nyon cig ces bka' stsal pa/ de bzhin gshegs pa thams cad la rnam par thar pa'i lam ma nor ba chos nyid rnam par thar pa lnga yod do// 'dod chags dang / zhe sdang dang / gti mug dang / nga rgyal dang / phrag
71b5 dog go/ de la 'dod chags ni bdag nyid las byung ba'i chos la/ bdag nyid dus dang rnam pa med par spyod par 'dod do// chags pa ni 'dod pa'i dbang du gyur pa'o// de la bdag nyid las byung ba'i chos
71b6 ni// gzugs dang / sgra dang / dri dang / ro dang / reg bya'o// de dag ji ltar 'dod ce na/ thams cad bdag nyid du gyur par 'dod cing 'dod pa la chags pa'o// zhe sdang ni bdag nyid la ye nas gsang ba'i
iiif viewer powered by OpenSeadragon
Texts on this page
Gpb033.006 - bde ba chen po byang chub kyi sems rmad du byung ba'i le'u