| e-texts navigator |
| བོད་ཡིག |
69a1 dpa' chen po/ thugs kyi dkyil 'khor rang bzhin las// ye shes rdzogs bzhugs me long bzhin// nga ni dus gsum bzhugs pa yi// sangs rgyas rnams kyi ye shes te// byang chub sems kyi don
69a2 rtogs pas// sangs rgyas kun gyi nying sha can// nga ni sangs rgyas kun gyi dur// dur khrod chen po nga bdag yin// sems dpa' chen po thams cad dang // sems can thams cad nga las byung // sems can dur
69a3 nyid nga yin te// skal ldan sems dpa' rig par gyis// sangs rgyas thams cad nga yi zhing // sems can thams cad sku gsung gter// thams cad nga yi longs spyod rgyu// zhes gsungs pa'i tshig thos pa dang //
69a4 sems dpa' skal ldan zhal mthong ba/ rmad byung gsang ba'i dkyil 'khor/ byang chub sems nyid bdag yin rig/ thal mo sbyar nas 'di skad gsol// dus gsum sangs rgyas thams cad kyi// thugs kyi thugs
69a5 te thugs la rol// dus gsum sangs rgyas thams cad kyi// sku yi sku ste sku la rol// dus gsum sangs rgyas thams cad kyi// gsung gi gsung ste gsung la rol// zhes gsol pa dang / sems dpa' chen po/
69a6 bskal pa 'bum gyi sngon rol du// nga nyid gcig pu sngon du byung // byung ba bas kyang nga sngar byung // sangs rgyas kun gyi sku gsung thugs// nga las byung ba de yi phyir// sems dpa' chen po'i thugs nyid ni// nga
iiif viewer powered by OpenSeadragon
Texts on this page
Gpb033.006 - bde ba chen po byang chub kyi sems rmad du byung ba'i le'u