| e-texts navigator |
| བོད་ཡིག |
64a1 de// 'dod pa med par thob par 'gyur// ji bzhin bcos pa med pa ste// sangs rgyas kun gyi dgongs pa gcig/ bde ba che las ma gtogs pa// 'dod dang 'dzin pa ga la yod// gang la 'dzin
64a2 chags med pa des// ting nge 'dzin de 'dzin pa'i mchog/ kun 'dzin ye nas grub zin pas// gtang gzhag mi rtog grub pa'i rgyal// zhes gsungs so// rdo rje sems dpa' nam mkha' che bram ze rgyas pa'i rgyud
64a3 las bya med lhun rdzogs kyi le'u ste bcu gnyis pa'o// // rdo rje sems dpas yang zhus pa/ bcom ldan bde chen kun bzang po// 'dod med ma g.yos rtsol med gang // kun tu bzang pos bka' stsal
64a4 pa// nyon cig nga la 'dus pa'i 'khor// chos nyid 'gyur ba ye nas med// bsgyur bas g.yos pa rdul tsam med// bde dang sdug bsngal byang chub gcig/ sangs rgyas sems can sems su gcig/ snang srid snod
64a5 bcud chos nyid gcig/ bden rdzun gnyis kyang chos nyid mnyam// bde la chags na sdug bsngal yin// rang bzhin gnas pas kun kyang 'grub// kun gsal de la rtog med pas// de ni rang byung ye shes
64a6 yin// ye shes bag chags mi bsog pas// las kyis gos par ga la 'gyur// sna tshogs bsgoms pas gcig mi gsal// gsal ba'i ting 'dzin gang byed pa// de la ting 'dzin yod ma yin// de bzhin nyid du
iiif viewer powered by OpenSeadragon
Texts on this page
Gpb033.005 - khams gsum sgron ma