| e-texts navigator |
| བོད་ཡིག |
56b1 med kyi// nga la ma bgrod lam med kyi// nga la ma spyod sgrib med kyi// nga la bgrod pas phyin pa med// bde chen chos sku sems su gcig pa'i phyir// snga phyir dus gsum med de khyad par med// rang byung ye shes
56b2 yul la mi rtog pas// rig pa'i ye shes yul gyis btsal mi dgos// ma btsal ye nas lhun gyis grub pa'i phyir// rtsol ba'i phrin las ye nas bya mi dgos// ye nas byang chub sa la kun gnas pas// rig/
56b3 'dzin sa dang sa bcu sbyang mi dgos// ye nas byas zin lta ba bsgom mi dgos// ye nas rnam dag dam tshig bsrung mi dgos// mi gnas mi rtog cir yang dgongs med pas// mi rtog mnyam pa'i yul la rang
56b4 bzhin gnas// rdo rje sems dpa' nam mkha' che bram ze rgyas pa'i rgyud las bya ba med pa'i le'u ste bzhi pa'o// // rdo rje sems dpas yang zhus pa// bcom ldan bde chen kun bzang po/ thams cad
56b5 byang chub sems kho nar sangs rgyas pa'i don bshad du gsol/ kun tu bzang pos bka' stsal pa/ nyon cig pa la 'dus pa'i 'khor// chos kyi sku ni byang chub sems// byang chub sems las chos kyi sku// rdul
56b6 tsam sus kyang bcos pa med// des na sems la sangs rgyas med// longs spyod rdzogs sku byang chub sems// byang chub sems la longs spyod sku// sems las byung ba'i gzugs rnams la// longs spyod rdzogs
iiif viewer powered by OpenSeadragon
Texts on this page
Gpb033.005 - khams gsum sgron ma