| e-texts navigator |
| བོད་ཡིག |
55a1 sems dpa' nam mkha' che bram ze rgyas pa'i rgyud las/ snying po rtsa ba bstan pa'i le'u ste gnyis pa'o// // de nas yang rdo rje sems dpas zhus pa/ bcom ldan bde chen kun bzang po// ston
55a2 pa dang ni bstan pa dang // de bzhin 'khor tshogs bshad du gsol// zhes zhus pas/ kun tu bzang pos bka' stsal pa// nyon cig nga yi 'dus pa'i 'khor// ston pa yang ni rnam gsum ste// bstan pa yang ni
55a3 rnam pa gsum// de 'dzin 'khor yang gsum du bstan// ston pa gsum ni 'di lta ste// chos kyi rang bzhin ston pa dang // chos kyi ngo bo ston pa dang // don gyi sgra tshig ston pa'o// rang bzhin ston pa'i ston pas
55a4 ni// skye ba med pa'i byin brlabs las// ji ltar snang ba'i chos rnas kun// de bzhin nyid du ston par byed// ngo bo ston pa'i ston pas ni// ji ltar snang ba'i chos rnams kun// stong pa nyid kyi skur byung nas// ngo
55a5 bo de las med par ston// sgra tshig ston pa'i ston pas ni// chos rnams don gyi sgrar bsdus nas// ma rig mi shes sems can la// de don sgra tshig sdebs nas ston// bstan pa rnam pa gsum ni 'di lta ste// chos
55a6 sku'i bstan pa de bzhin nyid du bstan// de bzhin nyid la rnam par dbye ru med// ji ltar snang ba'i chos rnams thams cad kun// sems kyi ngo bo yin pas de bzhin nyid// de la gang zhig 'chos shing sgom byed/
iiif viewer powered by OpenSeadragon
Texts on this page
Gpb033.005 - khams gsum sgron ma