| e-texts navigator |
| བོད་ཡིག |
30b1 bkod gzugs tshogs ston pa bzhin// rdzogs mchog bya bral snying po las// ma bkod sku rnams rnam par gsal// bdag dang gzhan du ma brtags na// yangs pa'i dkyil 'khor rnam par ldan// thams cad
30b2 'byung ba'i dbyings yin te// sna tshogs glog bzhin rnam par gsal// gsal ba nyid na 'ja' tshon bzhin// rang bzhin med par kun tu bzang // de nyid chos sku yin par bshad// kun gyi sku de rigs mtha'
30b3 yas// sbas pas dur khrod brgyad zhi zhing // dngos po med pas dngos po'i sgra// sna tshogs rnam par zhi zhing stong // sems la sna tshogs chos rdzogs so// chos kyi phung po khams rdzogs te// nam mkha' mi dmigs
30b4 mtha' yas la// nyi zla gza' skar kun rdzogs nas// mkha' dbyings dag par rdzogs pa ltar// phung po khams nyid chos yin te// chos kyi dkyil 'khor chos la rdzogs// 'di zhes mtshon du med pa la// mtshon
30b5 par byed pa rnam rtog ste// ji snyed rnam rtog ma zad par// sangs rgyas byang chub lam mi rnyed// 'byung ba'i tshul du ldan pa yi// rtog med mnyam nyid chos kyi sku// bzang bas mi zin chu zla 'dra// kun tu bzang po
30b6 rol pa yis// A li kA li zab tu bstan// ji ltar rtog pa 'jug pa nyid// mi rjes spre 'us gnon tshul du// bya byed mang pos bdag med par// rang rig stobs kyis dbang bsgyur nas// mtshan ma'i rnam par rtog/
iiif viewer powered by OpenSeadragon
Texts on this page
Gpb033.001 - rdo rje sems dpa' nam mkha' che/ kun tu bzang po gsang ba'i snying po'i rgyud