| e-texts navigator |
| བོད་ཡིག |
265a1 ba'i gnas// de dang rig dang ma rig gnyis// rig pa rnams la sku dang ye shes dang // zhi khro'i zhing khams drug po dang // dag pa'i zhing khams bsam las 'das// snang ba thams cad sangs rgyas
265a2 dang // byang chub sems dpa' sems ma dang // lha dang lha mo'i zhing du gsal// ma rig pa la ma dag yul// dug lnga dug gsum yul du shar// de yang dper na 'di lta ste// gang gis gang nyid ma rig na// rang
265a3 gis rang nyid ma rig go/ rig na sangs rgyas ma rig 'khor// rtogs na mya 'das ma rtogs sdug/ sems can sangs rgyas gnyis par du// rta rnga brgyar gshegs cha gcig tsam// sa 'og gser gyi
265a4 rlangs pa'am// byi ba'i kha rlangs tsam pa'am// bya phod rkyen med 'gul ba tsam// de ni rig dang ma rig dpe// bar du de tsam gcig las med// ces kun tu bzang mo klong gsal 'bar ma nyi ma'i gsang rgyud
265a5 las/ dag pa'i zhing khams drug la dngangs nas/ ma dag pa'i zhing khams su gyur pa'i le'u ste bcu gcig pa'o// // sa sAH/ yang gcig kun tu bzang mo la// 'khor tshogs kun gyis yang zhus pa// kye
265a6 kye bzang mo yangs pa'i klong // dag dang ma dag gnyis par dang // rig dang ma rig gnyis par dang // rtogs dang ma rtogs gnyis bar du/ khyad par cung yang mi 'dug pas// bdag la der rtog nger bzung
iiif viewer powered by OpenSeadragon
Texts on this page
Gpb033.015 - kun tu bzang mo klong gsal 'bar ma nyi ma'i rgyud