| e-texts navigator |
| བོད་ཡིག |
22b1 rang bzhin gnas// ci yang dbye ba med pa'i phyir// sbyor ba thams cad bde ba'i mchog/ gsang ba'i man ngag bde ba chen po'i rgyud las sbyor ba dam tshig gi le'u ste bcu drug pa'o// // de nas bcom
22b2 ldan 'das kun tu bzang pos ji ltar spyad kyang skyon gyis mi gos pa'i ting nge 'dzin la snyoms par zhugs nas/ ched du brjod pa 'di ched du brjod do// 'gro ba'i sdug bsngal byang chub sems// de la bskyod pa
22b3 med bzhin du// nam mkha'i mtha' bzhin mnyam par gnas/ khyad par ci yang mtshungs pa la// las so zhes ni rnam par brtags// ci ste las kyi dbang 'gyur na// rang byung ye shes yod ma yin// rgyu nyid rdo rje
22b4 rkyen dang 'dra// ma skyes pas ni 'jig pa med// gdod nas snying po byang chub la// btsal ba'i bsam pas dbyings mi bskyod// ye shes dkyil 'khor dkyil 'khor nyid// bsam yas dkyil 'khor ji snyed
22b5 pa// dkyil 'khor dkyil 'khor las byung ste// dkyil 'khor ldan pa'i snying po la// sangs rgyas dkyil 'khor thams cad gnas// 'di ni sangs rgyas thams cad kyi// snying po brtag mi sgrib pa yi/ khams
22b6 gsum rdzogs byed dkyil 'khor ro// thabs mchog thabs las byung ba yi// byang chub rdo rje dbang bsgyur nyid// de bzhin nyid kyi dbyings nyid de// ji snyed bsam pa mtha' yas pas// rnam rtog theg pa'i kha
iiif viewer powered by OpenSeadragon
Texts on this page
Gpb033.001 - rdo rje sems dpa' nam mkha' che/ kun tu bzang po gsang ba'i snying po'i rgyud