| e-texts navigator |
| བོད་ཡིག |
173b1 rgya gar skad du/ tshig chad bod skad du/ byang chub sems rma bya mjing bsnol gyi rgyud las/ mtha'i mun sel chen po zhes bya ba/ nam mkha' rnam par dag par byed pa/ bcom ldan 'das 'jam
173b2 dpal 'od srung chen po la phyag 'tshal lo// 'di skad bdag gis thos pa dus gcig na/ bcom ldan 'das 'og min gyi gnas su/ sangs rgyas bye ba rnam par gzigs zhes bya ba/ mtha' ma'i mun sel chen po
173b3 ral gri kha mangs lta bus/ lta ba yongs su gcod par byed pa// smras pa gsang sngags 'bras bu theg pa bla na med pa 'di la/ spyi don lngas bstan te/ le'u dang po rang bzhin rnam par dag pa'i sku/ mi gnas pa'i
173b4 ye shes chen po bstan pa dang / le'u gnyis pa rang byung gi ye shes chen po rang shar bar bstan pa dang / le'u gsum pa rdo rje sems dpa' rtogs pa mngon du gyur par bstan pa dang / le'u bzhi pa byang chub sems
173b5 dpa' rjes su 'jug pa bstan pa dang / le'u lnga pa sangs rgyas kyi che ba bstan pa'o// sems can med pa'i sngon rol na/ 'byung ba chen po ye nas 'phags// 'byung ba chen po'i sngon rol na// nam mkha' chen po
173b6 ye nas 'phags// nam mkha' chen po'i sngon rol na// chos nyid rnam dag klong yangs nas// chen po lnga nyid rnam par dag/ chen po lnga yi snying po ru// nga nyid gcig pu mngon du byung // nga med nga ni ma rig pa yi/
iiif viewer powered by OpenSeadragon
Texts on this page
Gpb033.011 - byang chub sems rma bya mjing bsnol gyi rgyud las/ mtha'i mun sel chen po