| e-texts navigator |
| བོད་ཡིག |
148b1 gsang ba'i bdag po la 'di skad ces gsol to// kye gsang ba'i bdag po lags// rdzogs pa chen po'i nges tshig ji ltar lags// de la blang dor yod dam med// gsang ba'i bdag pos gsungs pa// ji ltar
148b2 nam mkha'i mtshan nyid du// snang nyid ma bgag shong ba ltar// rdzogs pa chen po'i mtshan nyid du// med pa'i chos dang yod pa'i chos// de bzhin srid dang mi srid pa// sangs rgyas sems can bde sdug
148b3 bsngal// bzang ngan che chung skyon yon tan// lhag ma med par yongs rdzogs pas/ de phyir de la rdzogs zhes bya// rin po che yi gser gling du// thams cad gser las med pa'i phyir// dor du rung ba yod ma
148b4 na/ rdzogs pa chen po'i chos nyid la// spang ba gang yang med pa'i phyir// dor du rung ba yod ma yin// gnyis med ye shes kho na la// mtshan ma ci yang mi snang phyir// blang du rung ba yod ma yin// ces
148b5 gsungs so// yang gsol ba/ kye gsang ba'i bdag po lags/ ma 'dres yongs su rdzogs zhes bya// de don bdag la bstan du gsol// gsang ba'i bdag pos gsungs pa/ mkha' la gzugs sogs ma 'dres
148b6 pa// chu nang phyogs su yongs su rdzogs// 'byung ba rnam bzhi ma 'dres pa// nam mkha'i ngang du yongs su rdzogs// sna tshogs dar sna ma 'dres pa// za 'og snam bur yongs su rdzogs// tshon rtsi rnam lnga ma 'dres
iiif viewer powered by OpenSeadragon
Texts on this page
Gpb033.009 - man ngag thams cad kyi sdom