| e-texts navigator |
| བོད་ཡིག |
10b1 sde sreg byed de// dam pa'i chos kyang 'dzin par byed// skal ldan skyes bu de nyid dang // yang dag sangs rgyas dbyer med de// tshogs chen gnyis dang rdzog par rol// shan pa spu gri rno thogs shing // 'gro drug
10b2 gnas su dag byed pa// thar lam dpa' bo byang chub sku// sangs rgyas kun gyi gshegs shul bde// rtog med mnyam nyid chos kyi sku// gzung bas mi zin chu zla 'dra// kun tu bzang po'i rol pa yis// a li ka
10b3 li zab tu bstan// e ma ho chos kyi don 'byung ba// chos bdag spyod pa rnam par dag/ gtsang me med par kun za zhing // snying rje med par kun gsod de// mthong ba'i yul rnams sbyor byed na// de nyid theg pa'i
10b4 mchog ces bya// bde ba chen po'i rgyud las/ gsang ba'i man ngag bla na med pa'i theg pa spyod pa'i le'u ste bdun pa'o// // de nas bcom ldan 'das kun tu bzang po/ dkyil 'khor thams cad la khu ba
10b5 dang gshang gcis mchod nas/ rgyal po yin pa'i ting nge 'dzin la snyoms par zhugs nas/ ched du brjod pa 'di ched du brjod do// mchog gsum srid gsum dkyil 'khor la// tsan+dan dri yis dbul mi
10b6 bya// 'dod yon lnga pos mchod bya zhing // bdag las dkyil 'khor med shes te// dkyil 'khor bdag po bdag nyid la// mnyam pa'i grub rdzas gshang gci yi// lus bskus za zhing mchod byed pa// des ni
iiif viewer powered by OpenSeadragon
Texts on this page
Gpb033.001 - rdo rje sems dpa' nam mkha' che/ kun tu bzang po gsang ba'i snying po'i rgyud