| e-texts navigator |
| བོད་ཡིག |
324a1 la// mngon par shes pa drug phrag drug/ shin tu gsal bar 'char ba'o// skad cig ma ni gnyis pa la// rjes su dran pa drug 'char te// lha dang bla ma skye gnas dang // gdams ngag lta ba rjes su
324a2 dran// 'di dus mi brjed gzungs rnams kyang // rang gi rgyud la skye bar 'gyur// skad cig ma ni gsum pa la// grol ba'i thim lugs brgyad 'byung ste// thugs rje thugs rje la thim ste// nyi ma nub pa'i zer thag
324a3 ltar// gzigs snang kun las 'das pa'o// ye shes ye shes la thim pas// ma pang bu tshud lta bu ste// chos nyid ma dang rig pa bu// lhun grub sbubs su 'dzom pa'o// 'od ni 'od la thim pa ste// 'ja' tshon nam
324a4 mkhar yal ba ltar// 'od snang lnga yang nam mkha' 'dus// sku ni skur thim bum sku 'dra// shes bya nang du gsal bas na// mtshan ma zhal phyag can du med// rang ngo rnam par dag pa'o// gnyis med gnyis med
324a5 la thim ste// chu la chu bo thim pa ltar// gtad pa'i yul med rang sangs nyid// mtha' grol mtha' grol la thim pas// nam mkha' nam mkhar thim pa ltar// gtad pa'i yul med ka nas dag/ ma dag dag
324a6 par thim pas te// sgra yi tshon zag bsdus pa ltar// thig le nyag gcig ngang du rdzogs// dag pa ye shes chen po ni// ngo bo'i sku la thim pas te// seng ge gangs la zin pa ltar// ya nga'i rtog pa kun dang
iiif viewer powered by OpenSeadragon
Texts on this page
Gpb032.018 - chos thams cad kyi don ston pa rdzogs chen thig le nyag gcig ye nas bya rtsol bral ba