| e-texts navigator |
| བོད་ཡིག |
282a1 na chad pa'i mtha'// rtag chad gnyis kyi mdud pa de// rnal 'byor 'ching bar byed pa'i sgrog/ de yi mdud pa ngang gis 'grol// a nu la sogs lam gzhan gyis// bkrol bas khrol ba ma yin
282a2 te// zhen pa'i thag pas slar yang 'ching // a ti klong chen rab 'byams nga // mtha' la skyon du mi blta ste// 'ching grol gnyis su ga la 'byed// mtha' gnyis ma spang rang grol bas// gnyis med tsam du mi
282a3 gnas shing // gnyis ka ltar yang rang shar bas/ mtha' bzhi ma spangs rgya yan klong // mu bzhi kun 'byams yangs pa'i rtsal// 'ching grol gnyis med rang sar bde// gcig bde gnyis bde kun kyang bde//
282a4 khams gsum sems can kun kyang bde// dus gsum sangs rgyas kun kyang bde// rang snang chos sku'i klong na bde// chos sku 'pho 'gyur med pa la// 'khor 'das chos kun ci bder bzhugs// de la nges pa
282a5 med pa'i phyir// byed spyod cir yang ma 'gags pas// nga yi klong na ci bder spyod// spyod yul gang yin ma 'gags pas// ci la nyam pa med pa dang // gang la thogs pa med pa'i phyir// gang zhig gang la gang
282a6 gis 'ching // spu gris spu gri ji ltar gcod// chu yis chu gnyis ji ltar brlan// mkha' la mkha' nyid ji ltar 'jog/ me yis me nyid blo ltar bsreg/ 'ching grol nyid kyang rig pa'i klong // sa le sbram bzhin
iiif viewer powered by OpenSeadragon
Texts on this page
Gpb032.018 - chos thams cad kyi don ston pa rdzogs chen thig le nyag gcig ye nas bya rtsol bral ba