| e-texts navigator |
| བོད་ཡིག |
279b1 sbubs// 'di ltar nges pa'i phyam brdal chen po la// nyi shu rtsa lnga ma spangs rang sar grol// mi bsrung blo yi a ta nga mi 'dod// bsgrub bya'i 'bras bu a ti nga mi bsgrub// 'di'am bar do phyi ma'i dus re med//
279b2 'khor lo tshogs chen sa ni ye gnon yin// ces gsungs nas/ brdal khyab cir mi dgongs su lhan ner bzhugs so// theg pa kun gyi spyi phud klong chen rab 'byams kyi rgyud las/ ma hA ma spangs rdzogs tshul gyi
279b3 le'u ste rtsa bzhi pa'o// // sa ma ya/ rgya rgya rgya/ \u0f7fna/ thAn/ pra/ gag+heHka rbi/ dzaHbama?ny+dzaHde nas sems dpa' rdo rje yis// ston pa nyid la yang gsol pa// e ma ston pa kun bzang dpal// a nu'i grub mtha'
279b4 rdzogs tshul gang // ston pas rig mdangs 'khor la gsung // gsan nas ston pas bka' stsal pa// a nu'i grub mtha' bzhi yis ston// lha sgom spyod dang 'bras bu'o// lta ba snang yul kun tu bzang mo'i
279b5 mkha'// rig pa rang shar kun bzang rol// gnyis med ye sangs rgyas par 'dod// sgom pa ma 'gags rtsal las lha// ma bskyed dran rdzogs chu nya'i tshul// spyod pa rgyud lung nyer gcig gis// sems can kun
279b6 gyi don byed de// 'bras bu tshe gcig sangs rgyas thob// de na a nu'i theg pa'o// a ho// sems dpa' rdo rje khyod nyon cig/ theg pa'i yang rtse a ti klong chen po// ri rgyal lta bu kun gyi rtser gyur pas// ri
iiif viewer powered by OpenSeadragon
Texts on this page
Gpb032.018 - chos thams cad kyi don ston pa rdzogs chen thig le nyag gcig ye nas bya rtsol bral ba