| e-texts navigator |
| བོད་ཡིག |
230b1 te lus gzugs 'dzin// nam mkha' sems te lus mdangs 'dzin// nyi zla mig ste gsal bar byed// sems nyid ngo las chos rnams kun// ye nas lhun grub tshul du gnas// lus dang sems la tshang ba'i
230b2 phyir// phyi rol snang ba nyid las grub// de yang thog ma'i ye shes gsum// ka dag gzhi yi steng na tshang // de ltar rtogs par gyur pa na// 'di ltar khams gsum 'khor ba yang // sangs ma rgyas pa gcig kyang
230b3 med// don de nges par rtogs 'dod na// des ni nam mkha' lta bur blta// don ni chos nyid skye ba med// rtags ni sems nyid 'gag pa med// nga yis ma bsgrubs kun khyab pas// gsal ba'i ye shes gzhal
230b4 yas khang // rang byung nyid las gzhan mi bzhugs// chen po lnga dang khams gsum rnams// nga yi sku gsung thugs bkod yin// dus gsum sangs rgyas sems can rnams// nga yis khyed la bstan pa yin// nges
230b5 pa gcig la bden pa gnyis// shing sdong yal ga sde bzhin no// rgyu ni lhun grub thugs rje las// 'bras bu khams gsum sems can te/ khams gsum sems can rgyu byas nas// 'bras bu sangs rgyas ming
230b6 btags te// rgyu 'bras dpe don de ru bstan// rgyu ni khams gsum sems can la// 'bras bu sangs rgyas lung bstan pa// de ni sems can drang ba'i don// yang dag sems can sangs rgyas med// snying po skye
iiif viewer powered by OpenSeadragon
Texts on this page
Gpb032.018 - chos thams cad kyi don ston pa rdzogs chen thig le nyag gcig ye nas bya rtsol bral ba